დავით უსუფაშვილი - “ქართული ოცნების“ შეგნებული მცდელობაა, ურჩობის გზაზე დამდგარი პრეზიდენტი მოათვინიეროს - პრეზიდენტო, შენგან მეტ ჭკუასა და სახელმწიფოებრივ სიბრძნეს ველით

პრეზიდენტო, შენგან მეტ ჭკუასა და სახელმწიფოებრივ სიბრძნეს ველით! ის, რაც მთავრობაში ხდება, უკვე ვიცით! იქ ხალხს სახელმწიფო და სახელმწიფოებრიობა არ აინტერესებს - თუ გაინტერესებს, მაშინ სხვაგვარად უნდა მოიქცე! - ასე მიმართავს სალომე ზურაბიშვილს “ლელოს“ ერთ-ერთი ლიდერი, პარლამენტის წევრი დავით უსუფაშვილი.

როგორც უსუფაშვილმა ჟურნალისტებთან საუბრისას განაცხადა, თუ ზურაბიშვილს პრეზიდენტობა უნდა, ამისთვის აქვს შანსი, ბერკეტები და “პრეზიდენტივით უნდა მოიქცეს“.

აქვე უსუფაშვილმა ისიც აღნიშნა, რომ ზურაბიშვილის სხვანაირად მოქცევაში მიხეილ სააკაშვილის შეწყალების აქტზე ხვალვე ხელმოწერას არ გულისხმობს.

“კვალი კი არა, ეს არის (პრეზიდენტის რეზიდენციასთან გამართული აქცია) “ქართული ოცნების“ შეგნებული მცდელობა, ურჩობის გზაზე დამდგარი პრეზიდენტი მოათვინიეროს. თუმცა, თუ პრეზიდენტი კვალზე საუბრობს, მან ის კვალიც უნდა გაიხსენოს, რაც მისი არჩევის დროს შეინიშნებოდა და ძალიან მკაფიო იყო, როცა “ქართულმა ოცნებამ“ შემოვლითი გზით - ვითომ დამოუკიდებელი პრეზიდენტი სცენაზე შემოიყვანა. პერსონალურ ავტორიტეტსა და ძალაუფლებაზე მან მაშინ თქვა უარი, მაშინ შეეგუა ამას, როცა ბილბორდებიდან მისი პორტრეტები ჩამოხსნეს და თავად “ქართული ოცნების“ ლიდერები გაეკრნენ. მაშინ ვერ დაინახა საით მიდიოდა საქმე?! - ამან შეასუსტა და იმ მდგომარეობაში ჩააყენა, რაშიც ახლა იმყოფება! ახლა აქეთ შემოგვჩივის: - მიშველეთ, ხან იმას არ ეუბნებიან პრეზიდენტი როცა ჩამოდის, პროტოკოლის დარღვევით ხან მეპატიჟებიან, ხან არ მეპატიჟებიან, ხან მიტინგებზე მიტინგებს მიწყობენ და ასე შემდეგ. ჩვენ ეს პრეზიდენტზე უკეთ ვიცით, მაგრამ პრეზიდენტო, შენ რას აკეთებ, ეს ასე რომ არ მოხდეს?!“, - განაცხადა დავით უსუფაშვილმა.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს