გია ვოლსკი - ბიძინა ივანიშვილი ის პიროვნება არ არის, ვინც საკუთარი შემოსავლის ან თანხის სანაცვლოდ, ეროვნულ ინტერესებს დაუპირისპირდება - „საქართველოს უპირველეს ყოვლისა“  არის ამ ადამიანის აზრი

ბიძინა ივანიშვილის წინააღმდეგ რეალურად დაწესებული სანქციები, რის გასამართლებლად ევროპარლამენტის დადგენილებას იშველიებენ, მასზე გავლენას ვერ მოახდენს - „საქართველოს უპირველეს ყოვლისა“ არის ამ ადამიანის აზრი! - ეს განცხადება პარლამენტის პირველმა ვიცე-სპიკერმა გია ვოლსკიმ “კრედიტ სუისთან“ დაკავშირებულ დავაზე დასმული კითხვის პასუხად გააკეთა.

ვოლსკის აზრით, “აუცილებლად სჭირდებათ, რომ ბიძინა ივანიშვილი დასახელდეს, როგორც მთავარი ბრალდებული იმის გამო, რომ საქართველო საომარ მოქმედებებში არ ჩაერთო“.

მისივე თქმით, “ევროპარლამენტის რეზოლუციის მოშველიება იმისთვის ხდება, რომ ივანიშვილზე გავლენა მოახდინონ“.

“ფაქტები სახეზეა - ევროპარლამენტის გადაწყვეტილება უტიფარია. ის იმ ადამიანს უტევს, ვისაც არანაირი კავშირი არ აქვს იმ პოლიტიკასთან, რაც მისგან მოითხოვება. რომც ჰქონდეს, ბიძინა ივანიშვილი ის პიროვნება არ არის, ვინც საკუთარი შემოსავლის ან გარკვეული თანხის სანაცვლოდ, ეროვნულ ინტერესებს დაუპირისპირდება. ეს ასე არასოდეს მომხდარა! პირიქით, ამ ქვეყნისთვის უამრავი სიკეთე დაუთესავს. ხვალ ჩვენმა შვილებმა და შვილიშვილებმა უნდა მოიმკან ის, რაც ბიძინა ივანიშვილს ქვეყნისთვის დაუთესია - ეს არის ამ კონკრეტული ადამიანის არსი და შინაარსი“, - განაცხადა გია ვოლსკიმ.

საქართველოს ყოფილი პრემიერ-მინისტრის, ბიძინა ივანიშვილის სამართლებრივი მრჩევლები „კრედიტ სუისს“-თან მიმდინარე დავასთან დაკავშირებით ინფორმაციას ავრცელებენ. როგორც მათ განცხადებაშია ნათქვამი, „კრედიტ სუისის“ მენეჯმენტის მხრიდან მოლაპარაკების ილუზიის შექმნა პოლიტიკური ზეწოლის მიზანს ემსახურებოდა და არა რაიმე სხვას, თუნდაც, ბანკისთვის სარგებლის მიღებას.

„ჩვენ გვსურს საზოგადოებამ იცოდეს, რომ ამ აბსურდში ვართ დღეს: ერთი მხრივ, ბანკის მენეჯმენტი ერთ-ერთი ტრასტის მართული თანხებიდან (სადაც მსხვილი თანხაა) გადმორიცხვის განხორციელებაზე უარს ამბობს და სასამართლოში გვიშვებს ევროპარალამენტის იმ რეზოლუციის გამო, რომელიც იგნორირებულ იქნა როგორც ევროპის საბჭოს, ისე ევროკომისიის მიერ, რითაც გაგვიფორმა გადმორიცხვის დაგვიანება სულ მცირე ერთი წლით (2022 წლის მარტიდან 2023 წლის მარტამდე, ისიც თუ სასამართლო მარტში შედგა გერნსიზე);

ხოლო მეორე ტრასტის მართული თანხები უპრობლემოდ გადმორიცხა ევროპარლამენტის უფრო ძლიერი რეზოლუციის მიღებიდან მეორე დღესვე. ამით ბანკის მენეჯმენტმა თვითონ აჩვენა, თუ რამდენად საფუძვლიანია (უფრო ზუსტად კი - უსაფუძვლოა) მათი მხრიდან მითითება პირველ რეზოლუციაზე. ეს უკანასკნელი გადმორიცხვა ბანკის მენეჯმენტმა მხოლოდ და მხოლოდ სინგაპურის პრინციპული მოსამართლისთვის ანგარიშის გაწევით მოხდა, რადგან მოსამართლემ მკაფიოდ დასვა კითხვა უმიზეზოდ გაჭიანურებული გადახდების შესახებ, რის იგნორირებასაც ბანკი უბრალოდ ვერ მოახდენდა, თუნდაც ევროპარლამენტის რეზოლუციის უგულებელყოფის. ეს უკანასკნელი, ბანკის მენეჯმენტისთვის პრობლემა არ აღმოჩნდა“, - ნათქვამია განცხადებაში.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი