თორნიკე რიჟვაძე - „ნაციონალებთან“ ამ ბოროტმოქმედებთან არანაირი კომპრომისი არც ჩვენი და არც საზოგადოების მხრიდან არ იქნება
„ნაცმოძრაობის” ვითომ ლიდერები, მათი დიდი ნაწილი არიან მკვლელები და დარჩენილი ნაწილი პოტენციური მკვლელები, ბოროტმოქმედები. ისინი დროდადრო ასეთი პირსისხლიანი განცხადებებით საზოგადოებას შეახსენებენ თავს. ასე უპასუხა აჭარის ავტონომიური რესპუბლიკის მთავრობის თავმჯდომარე თორნიკე რიჟვაძემ ჟურნალისტის მიერ დასმულ კითხვას, რომელიც ეხებოდა სანდრო გირგვლიანის საქმესთან დაკავშირებით “ნაციონალური მოძრაობის” წევრებს შორის გაჩენილ დაპირისპირებას.
მისივე თქმით, ამ ტიპის დამნაშავეებთან არანაირი კომპრომისი არც „ქართული ოცნების“ და არც საზოგადოების მხრიდან არ იქნება.
„ნაციონალური“ მოძრაობის ნაწილის თქმით გირგვლიანი დამნაშავე იყო მორალურად, ის არავის მოუკლავს, მის დანაშაულს მოყვა სახელმწიფოს მხრიდან შესაბამისი რეაქცია. „ნაცმოძრაობის” ნაწილი არ ეთანხმება მათი თანაგუნდელების ამ მოსაზრებას“, - განაცხადა რიჟვაძემ.
ინფორმაციას აჭარის ავტონომიური რესპუბლიკის მთავრობის პრესსამასხური ავრცელებს.
