United Payment-სა და ეროვნულ ბანკს შორის შეხვედრა გაიმართა

საერთაშორისო FaaS (Fintech as a Service) კომპანიის ხელმძღვანელებმა საქართველოს ეროვნულ ბანკში გაცნობითი ხასიათის შეხვედრა გამართეს.

United Payment-ის დამფუძნებელი და კომპანიის აღმასრულებელი დირექტორი, ილკერ სოზდინლერი, რეგიონალური დირექტორი მარია რეიხლინა და საქართველოს წარმომადგენლობის გენერალური დირექტორი, ნინო ჭედია, ეროვნული ბანკის ვიცე-პრეზიდენტებს, არჩილ მესტვირიშვილს, პაპუნა ლეჟავასა და სხვა ოფიციალურ პირებს შეხვდნენ.

შეხვედრაზე United Payment-ის ხელმძღვანელებმა ეროვნული ბანკის წარმომადგენლებს კომპანიის საქმიანობა გააცნეს და იმ ფინანსურ სერვისებსა და მომსახურებებზე ისაუბრეს, რომლებსაც ჯგუფი სხვადასხვა ქვეყნების ბაზრებს სთავაზობს. მხარეებმა განიხილეს საქართველოს ფინტექ ეკო სისტემის ირგვლივ არსებული გარემო, შესაძლებლობები, გამოწვევები და სამომავლო ხედვები.

United Payment-ი საქართველოში ოპერირების დასაწყებად ემზადება. კომპანიამ საქართველოში წარმომადგენლობა 2022 წლის ზაფხულში გახსნა და ქვეყანაში ფინანსური ტექნოლოგიების განვითარების მიმართულებით ამბიციური გეგმები აქვს.

აღსანიშნავია, რომ ჯგუფის დამფუძნებელთა სტრუქტურაში, საერთაშორისო უმაღლესი რეპუტაციის და სანდოობის ინსტიტუტებია გაერთიანებული. მათ შორის: ევროპის რეკონსტრუქციისა და განვითარების ბანკი (EBRD), საერთაშორისო საფინანსო კორპორაცია (IFC) და სხვა.

(R)

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია