ქვემო ქართლში სახელმწიფო რწმუნებულის ადმინისტრაცია - ბოლნისის მუნიციპალიტეტში საგზაო ინფრასტრუქტურული პროექტები აქტიურად მიმდინარეობს

ქვემო ქართლის რეგიონში, ბოლნისის მუნიციპალიტეტში საგზაო ინფრასტრუქტურული პროექტები აქტიურად მიმდინარეობს.

ქვემო ქართლში სახელმწიფო რწმუნებულის ადმინისტრაციის ინფორმაციით, პროექტის ფარგლებში სიონისა და დავით აღმაშენებლის ქუჩების, ასევე, შიდა ეზოების სარეაბილიტაციო სამუშაოები მიმდინარეობს და დასრულების შემდგომ მნიშვნელოვნად გაუმჯობესდება მუნიციპალიტეტის ინფრასტრუქტურული მდგომარეობა.

„ბოლნისში მიმდინარე პროექტები რეგიონული განვითარების ფონდისა და ადგილობრივი ბიუჯეტის თანადაფინანსებით ხორციელდება და ჯამში, ორივე პროექტის ღირებულება 2 მილიონამდე ლარს შეადგენს.

პროექტის დასრულების შემდეგ ბოლნისის ადგილობრივი მოსახლეობის 8 000-მდე ბენეფიციარი გამართული საგზაო ინფრასტრუქტურით ისარგებლებს.

მიმდინარე სამუშაოების პროცესი ქვემო ქართლში სახელმწიფო რწმუნებულმა გიორგი დოხტურიშვილმა, საქართველოს რეგიონული განვითარებისა და ინფრასტრუქტურის მინისტრის პირველ მოადგილესთან, ილია ბეგიაშვილთან, ბოლნისის მუნიციპალიტეტის მერთან დავით შერაზადიშვილთან და ადგილობრივი ხელისუფლების წარმომადგენლებთან ერთად მოინახულა. ქვემო ქართლში სახელმწიფო რწმუნებულის ადმინისტრაცია“, - ნათქვამია გავრცელებულ ინფორმაციაში.

ლევან ალაფიშვილი - თუ სასამართლომ მმართველი გუნდის სასარგებლო გადაწყვეტილება მიიღო, ევროპული სტრუქტურებისთვის ეს იქნება იმის ლუსტრაცია რომ ჩვენ არც საკონსტიტუციო სასამართლო გვაქვს დამოუკიდებელი პოლიტიკური გავლენებისგან
ქართული პრესის მიმოხილვა 02.10.2023
მისაბმელი ტრაილერების მწარმოებელი გერმანული კომპანია „შმიტც კარგობული“ (Schmitz Cargobull) საქართველოს ბაზარზე შემოვიდა
კახა ოქრიაშვილი - ასეთი სუს-ის იმედზეა ბიძინა ივანიშვილი და ჩვენი საწყალი ქვეყანა?
დრესაპ ჯგუფი აჭარის რეგიონში 14 ახალ მაღაზიას ხსნის
თინეთი DeGameFi-ს ოფიციალური პარტნიორია
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა