მარანი მსოფლიოს გარშემო

თელავის ღვინის მარანი დიდი ექსპერიმენტისთვის ემზადება! პირველად მსოფლიოში, ქართული ჭაჭა მსოფლიოს გარშემო სამოგზაუროდ მიემართება გემით, რამდენიმე თვის განმავლობაში ზღვასთან სიახლოვეში დასავარგებლად. ამ ინიციატივის შთაგონების წყარო მსოფლიო მოგზაურების მიერ გადმოცემული ისტორიებია, რომლებმაც ჯერ კიდევ საუკუნეების წინ აღმოაჩინეს ზღვის ტემპერატურის, ტენიანობის და ტალღებზე მუდმივი რწევის სასიკეთო ზეგავლენა სპირტიან სასმელებზე.

დეკემბრის თვეში განსაკუთრებული ჭაჭის მარაგებით სავსე მუხის კასრები სპეციალურად მომზადებულ კონტეინერში მოთავსდა და საქართველოს ზღვისპირეთში გაემგზავრა. გემით მოგზაურობა ფოთიდან დაიწყება, მომდევნო ექვს თვეს მარანის ჭაჭა ზღვებსა და ოკეანეებში მოგზაურობაში გაატარებს და ამავდროულად რამდენჯერმე გადაკვეთს ეკვატორის ხაზს.

საქართველო მსოფლიო რუკაზე უკვე მიჩნეულია როგორც ღვინის სამშობლო, თუმცა ღვინის დადუღების შემდგომ დარჩენილი ყურძნის დურდოსაგან გამოხდილი ჭაჭის ისტორია შედარებით ხანმოკლეა და ინტენსიურად მე-19 საუკუნის პირველი ნახევრიდან იწყება. თელავის ღვინის მარანის მიერ დაგეგმილი უპრეცედენტო დედამიწის გარშემო მოგზაურობის შედეგად, საოცრად არომატული ეს სასმელი კიდევ უფრო გამდიდრდება ისეთი მახასიათებლებით, რომელიც მას სრულიად უნიკალურს გახდის. ამასთან, ეს მოგზაურობა ხელს შეუწყობს ჭაჭის, როგორც კიდევ ერთი ტრადიციული, ქართული სასმელის შესახებ ცნობადობის გაზრდას საერთაშორისო დონეზე.

(R)

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი