გორის მუნიციპალიტეტის მერმა მრავალშვილიან ოჯახებს ახალი წელი მიულოცა. ამის შესახებ ინფორმაციას გორის მუნიციპალიტეტის მერია ავრცელებს.

„ვლადიმერ ხინჩეგაშვილმა ვარიანის მეურნეობაში და სოფელ შინდისში მცხოვრებ თათრიშვილებისა და ფაცინაშვილების ოთხშვილიან ოჯახებს საახალწლო ნობათები გადასცა.

ახალი წლის დღესასწაულთან დაკავშირებით, გორის მუნიციპალიტეტის მერია სურსათის პაკეტებს 300 - მდე სოციალურად შეჭირვებულ ოჯახს გადასცემს.

კვების პროდუქტების შესაძენად თანხა ადგილობრივი ბიუჯეტიდან გამოიყო”, - ნათქვამია გორის მუნიციპალიტეტის გავრცელებულ ინფორმაციაში.