გურამ მაჭარაშვილი - სალომე ზურაბიშვილის სიტყვები „არა და არასოდეს“ მხოლოდ მისი სუბიექტური პოზიციის გამოხატულება არ იყო - მას ეს სიტყვები მხოლოდ პირადი წყენის გამო არ უთქვამს!

სალომე ზურაბიშვილის სიტყვები „არა და არასოდეს“ მხოლოდ მისი სუბიექტური პოზიციის გამოხატულება არ იყო - მას ეს სიტყვები მხოლოდ პირადი წყენის გამო არ უთქვამს! - აღნიშნული განცხადება უმრავლესობის დეპუტატმა “ხალხის ძალიდან“ გურამ მაჭარაშვილმა გააკეთა.

მაჭარაშვილის თქმით, პრეზიდენტმა მიხეილ სააკაშვილის შეწყალების საწინააღმდეგოდ მის ადმინისტრაციასთან გამართული აქცია შეიძლება იმის საშუალებად გამოიყენოს, რომ ამ თემაზე უცხოეთიდან მასზე განხორციელებული ბულინგი შემცირდეს. მაჭარაშვილი იმასაც ამბობს, რომ თუ პრეზიდენტთან პირობითად 2 000 ადამიანი მივიდა, შემდგომ მათი რაოდენობა გაასმაგდება.

„როცა ზურაბიშვილმა თქვა „არა და არასოდეს“, ის წარსული ცუდი პერიოდი გაანალიზა, რამაც სახელმწიფო იმ მდგომარეობამდე მიიყვანა, სადამდეც მიიყვანა და შემდგომ ხალხმა სააკაშვილის ხელისუფლება გაუშვა - სწორედ ეს გაითვალისწინა ზურაბიშვილმა და ამიტომ თქვა სიტყვები: - „არა და არასოდეს“! ვხედავთ, რომ უცხოეთიდან არის არა მხოლოდ კულუარული, არამედ საჯარო პირდაპირი ბულინგი იმ ადამიანის შეწყალებასთან დაკავშირებით, რომელზეც განაჩენი ქართულ და საერთაშორისო სასამართლოს აქვს გამოტანილი. მჯერა, რომ პრეზიდენტი შეეცდება საკუთარი პრინციპულობა შეინარჩუნოს - როცა საჯარო დონეზე პრეზიდენტზე ასეთი ზეწოლა ხორციელდება, ხომ წარმოგიდგენიათ რა ხდება კულუარებში.

საზოგადოების აბსოლუტური უმრავლესობის თხოვნა და მოთხოვნაა, რომ საქართველოში კანონის უზენაესობა აღსრულდეს ყველასთვის - მათ შორის იმ ოჯახებისთვის, ვისაც ზიანი მიადგა“, - განუცხადა ჟურნალისტებს გურამ მაჭარაშვილმა.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს