იაგო ხვიჩია პარლამენტის თავმჯდომარის გადაწყვეტილებაზე - „ნაცმოძრაობის“ არც ერთ წევრს არ ეწყინება, რომ მიშასთან შესვლა არ მოუწევთ, მიზეზი ექნებათ, შალვა პაპუაშვილი არ გვიშვებსო

პარლამენტის თავმჯდომარის გადაწყვეტილების მიზეზი ნერვების მოშლა და მოთმინებიდან, წყობიდან გამოყვანა შეიძლება იყოს, - ამის შესახებ ჟურნალისტებს “გირჩის“ დეპუტატმა იაგო ხვიჩიამ განუცხადა.

ხვიჩიას თქმით, ნერვებს პირადად მიხეილ სააკაშვილს უშლიან და „ნაციონალური მოძრაობის“ არც ერთ წევრს არ ეწყინება, მასთან რომ ვეღარ მივა.

მიხეილ სააკაშვილს თავისუფლება ისედაც შეზღუდული აქვს და ეუბნებიან, რაღაც უფლებებს გართმევთ, მაგრამ ეს შენივე ჯანმრთელობის მდგომარეობისთვის არის კარგიო, რაც ნერვებზე მოქმედებს. ზოგადად, ციხეში ნერვებზე ბევრი რამ მოქმედებს და ალბათ, ეს ერთ-ერთი მათგანია, დასამატებლად. ეს გადაწყვეტილება „ნაცმოძრაობას“ რას დააკლებს, არ ვიცი - აწყობთ, მიშასთან შესვლა რომ არ მოუწევთ! ნერვებს სააკაშვილს უშლიან, მაგრამ არ მგონია, რომ ყოველ დღე სააკაშვილთან შეხვედრით “ნაციონალური მოძრაობის“ დეპუტატები ბედნიერი იყოს - პარლამენტის თავმჯდომარის გადაწყვეტილებით, მათ ეს ასცდებათ. "ნაცმოძრაობის" არც ერთ წევრს არ ეწყინება, რომ მიშასთან შესვლა არ მოუწევთ - არ ეწყინებათ, რადგან როცა ლიდერი შენი მუშაობით არ არის კმაყოფილი და ციხეში ზის, მასთან ხშირად შეხვედრა შეიძლება სასიამოვნო არ იყოს და მიზეზი ექნებათ, შალვა პაპუაშვილი არ გვიშვებსო“, - განაცხადა იაგო ხვიჩიამ.

შეგახსენებთ, რომ პარლამენტის თავმჯდომარის გადაწყვეტილებით, დეპუტატებისთვის მიხეილ სააკაშვილის მონახულების მიზნით პენიტენციურ დაწესებულებაში შესვლის უფლების მინიჭება ჩერდება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024