ხატია დეკანოიძე ხელისუფლებას - რა საფრთხეს წარმოადგენს პატარა ალისკა სააკაშვილი ან ედუარდ სააკაშვილი ხელისუფლებისთვის და მიხეილ სააკაშვილისთვის?! ან რა საფრთხეს შეიძლება წარმოვადგენდეთ მისი თანაგუნდელები და მეგობრები?!

მინდა ვკითხო ხელისუფლებას - რა საფრთხეს წარმოადგენს პატარა ალისკა სააკაშვილი ან ედუარდ სააკაშვილი ხელისუფლებისთვის და მიხეილ სააკაშვილისთვის?! ან რა საფრთხეს შეიძლება წარმოვადგენდეთ ჩვენ - მიხეილ სააკაშვილის თანაგუნდელები და მეგობრები?! - ეს განცხადება ფრაქცია “ნაციონალური მოძრაობის“ თავმჯდომარემ ხატია დეკანოიძემ გააკეთა.

დეკანოიძის შეფასებით, პარლამენტის წევრებისთვის მიხეილ სააკაშვილის მონახულების უფლების შეზღუდვა სააკაშვილის სრულ იზოლაციაში გადაყვანას ნიშნავს.

როგორც დეკანოიძემ აღნიშნა, ამ მხრივ პარლამენტის თავმჯდომარემ შალვა პაპუაშვილმა ძალიან მძიმე გადაწყვეტილება მიიღო, თუმცა დეკანოიძე დარწმუნებულია, რომ ეს პაპუაშვილის ინდივიდუალური გადაწყვეტილება არ არის.

„გუშინ და გუშინწინ მიხეილ სააკაშვილის მოსანახულებლად არ შეუშვეს მისი შვილები, ასევე დღეს პარლამენტის წევრებს მესამე პრეზიდენტის მონახულების უფლება შეგვეზღუდა.

პარლამენტის წევრების მიერ პატიმრის მონახულების უფლება გამოიყენებოდა არა ყოველდღიურად, არამედ კვირაში ორჯერ. მიხეილ სააკაშვილის სრული იზოლაცია დასრულდა კიდევ იმ გადაწყვეტილებით, რომ მისი სასამართლო პროცესი გადაიდო. ხელისუფლების საბოლოო გადაწყვეტილებაა, მიხეილ სააკაშვილის პოლიტიკური და ჰუმანური იზოლაცია - მისი ჯანმრთელობის საკითხების იზოლაცია. ეს ყველაფერი კი იმას ნიშნავს, რომ სააკაშვილი ჯანმრთელობის მდგომარეობა კიდევ უფრო მეტად გაუარესდება.

თუ საქმე უსაფრთხოების ზომების დარღვევას და უსაფროების ზომების გამკაცრებას ეხება, ეს იმას ნიშნავს, რომ თავად აღიარეს, რომ სააკაშვილთან დაკავშირებული უსაფრთხოების ნორმები დაცული არ არის - აღიარეს სასამართლო სხდომაზე ტოქსიკოლოგის მიერ გაკეთებული ძალიან მძიმე განცხადებები“, - განაცხადა ხატია დეკანოიძემ.

პარლამენტის თავმჯდომარის გადაწყვეტილებით, დეპუტატებისთვის მიხეილ სააკაშვილის მონახულების მიზნით პენიტენციურ დაწესებულებაში შესვლის უფლების მინიჭება ჩერდება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024