1 იანვარს, ზუგდიდში, საქართველოს პრემიერ-მინისტრის ინიციატივითა და მთავრობის ადმინისტრაციის ორგანიზებით, თავისუფლების მოედანზე, საახალწლო ღონისძიება გაიმართება.

ზუგდიდის მერიის ინფორმაციით, მთელი დღის განმავლობაში სხვადასხვა გასართობი ღონისძიება ჩატარდება.

მოეწყობა საშობაო ბაზრობა, საბავშვო გასართობი სივრცეები, თოჯინების თეატრი, აზოტის შოუ. ზეიმი გრანდიოზული ფოიერვერკით დასრულდება.

საღამოს კი ნოდარიკო ხუციშვილი და ბენდი ჯგუფი ,,შერეკილები“ დაასრულებს“,- ნათქვამია ინფორმაციაში.