ნიკა მელია - უნდა ვიაზრებდეთ, რომ მიხეილ სააკაშვილის სიცოცხლის გადარჩენა უკავშირდება სახელმწიფოს განვითარებას - მისი მკვლელობა ძვირი ფასის გადახდად დაგვიჯდება

რომელი პოლიტიკური პარტიის მხარდამჭერიც არ უნდა იყო, უნდა ვიაზრებდეთ, რომ მიხეილ სააკაშვილის სიცოცხლის გადარჩენა უკავშირდება სახელმწიფოს განვითარებას. მისი მკვლელობა ძვირი ფასის გადახდად დაგვიჯდება, - ამის შესახებ „ნაციონალური მოძრაობის“ თავმჯდომარე ნიკა მელიამ განაცხადა.

როგორც ის აღნიშნავს, მიხეილ სააკაშვილის სიცოცხლე პირდაპირ პროპორციულად არის დაკავშირებული სახელმწიფოს ცივილიზებულ სამყაროსთან ინტეგრაციაში.

„მნიშვნელოვან საერთაშორისო რეზოლუციებში პირდაპირ არის ნათქვამი, რომ მიხეილ სააკაშვილის სიცოცხლე პირდაპირ პროპორციულად არის დაკავშირებული სახელმწიფოს ცივილიზებულ სამყაროსთან ინტეგრაციაში. ჩემთვის, როგორც თავმჯდომარისთვისაც და როგორც რიგითი მოქალაქისთვის, რა თქმა უნდა, მნიშვნელოვანია ამ სახელმწიფოს ბედი. რომელი პოლიტიკური პარტიის მხარდამჭერიც არ უნდა იყოს, უნდა ვიაზრებდეთ, რომ მიხეილ სააკაშვილის სიცოცხლის გადარჩენა უკავშირდება სახელმწიფოს განვითარებას. მისი მკვლელობა ძვირი ფასის გადახდად დაგვიჯდება. ყველა ვგულშემატკივრობთ მიხეილ სააკაშვილის სიცოცხლის გადარჩენას“,- აღნიშნავს მელია.

მან დღეს დაანონსებულ აქციებზეც ისაუბრა და აღნიშნა, რომ დღეს ისტორიული დღეა, კერძოდ, მისივე შეფასებით, არ არსებობს პრეცედენტი, როდესაც მსოფლიოს ბევრ დედაქალში ერთდროულად გაიმართა სოლიდარობის აქცია.

„ეს ნამდვილად უპრეცედენტოა. ამავე დროს სევდიანია, როდესაც ასეთი აქტივობაა, მთელი მსოფლიოს მასშტაბით იკრიბებიან ადამიანის სიცოცხლის გადარჩენისთვის. მსოფლიოს სოლიდარობის ეს აქცია მიხეილ სააკაშვილის სიცოცხლის გადარჩენას ემსახურება. არა ყრუ ხმა, არამედ მკაფიოდ გავაგონოთ, რომ ჩვენ ვართ სოლიდარულები. ვფიქრობ, საქართველოც ღირსეულად იქნება წარმოდგენილი ბევრ ქალაქში...იცით, რომ თანამოაზრეების ნაწილმა დააანონსა აქცია კიდევ ერთ, დამატებით ლოკაციაზე, კანცელარიის მიმდებარედ. ეს მათი ნებაა, არაფერი არ მაქვს საწინააღმდეგო. ვინც შეძლებს ამ ლოკაციაზე მისვლას, შეუძლიათ თბილისში ორიდან ერთი ლოკაცია აირჩიონ“,- აღნიშნავს მელია.

მისივე თქმით, არაფერი ისე არ ასაზრდოებს ავტოკრატიას, როგორც ნიჰილიზმი, რომ ვერასდროს დავამარცხებთ ავტოკრატიას.

„დავამარცხებთ! ეს აქსიომაა, ბნელი ყოველთვის განათდება. არაფერი ისე არ ასაზრდოებს ავტოკრატიას, როგორც გლობალურ საკითხში ერთიანი ხალხის დანაწევრება ნაკლებად მნიშვნელოვანი საკითხების მიმართ. ვაღიაროთ, რომ ხელისუფლება, ბიძინა ივანიშვილი, ოლიგარქი ამას არცთუ ისე წარუმატებლად ახერხებს“,-აღნიშნავს მელია "მთავარ არხთან".

ცნობისთვის, 4 იანვარს საქართველოს ყველა დიდ ქალაქში საქართველოს მესამე პრეზიდენტის, მიხეილ სააკაშვილის სოლიდარობის აქციები გაიმართება. თბილისში კი, მოქალაქეები მშვიდობის ხიდზე შეიკრიბებიან. აქციები 18:00 საათზე დაიწყება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024