“ნუ მოკლავთ კიდევ ერთ პრეზიდენტს“ - ამ ლოზუნგით აჭარის მთავრობის სახლთან “ერთიანი ნაციონალური მოძრაობის” წევრები და მხარდამჭერები აქციას მართავენ.

როგორც “ერთიანი ნაციონალური მოძრაობის” წევრები აცხადებენ, ქვეყნის აღმშენებელ პრეზიდენტს კლინიკაში “ქართული ოცნება” აწამებს.

აქციის მონაწილეები მიხეილ სააკაშვილის უცხოეთში, კლინიკაში გადაყვანას მოითხოვენ.

“ქვეყანა კიდევ ერთი პრეზიდენტის მკვლელობას არ დაუშვებს. დღეს სოლიდარობის აქცია სხვადასხვა ქალაქში იმართება. აუცილებლად მივაღწევთ სასურველ შედეგს და მიხეილ სააკაშვილს ვიხსნით”, - აცხადებენ აჭარის მთავრობის სახლთან შეკრებილი აქციის მონაწილეები.

აქციის მონაწილეებმა აჭარის მთავრობის სახლთან სანთლებით წარწერა “გახსოვდეს მიშა” დატოვეს.