საახალწლო ღონისძიებების ფარგლებში, გორის მუნიციპალიტეტის მერიამ და გორის მუნიციპალიტეტის კულტურისა და ტურიზმის განვითარების ხელშეწყობის სააგენტომ პატარებისთვის საახალწლო წარმოდგენა გამართა.

გორიც მერიის ცნობით, მუნიციპალიტეტში მცხოვრები სოციალურად დაუცველი, შეზღუდული შესაძლებლობის მქონე, დევნილი და საოკუპაციო ხაზთან მცხოვრები ბავშვები წარმოდგენას „საშობაო ქალაქს" დაესწრნენ და თოვლის ბაბუისგან საჩუქარიც მიიღეს.

მათივე ინფორმაციით, საახალწლო ღონისძიებას, გორის კულტურის ცენტრმა 3, 4 და 5 იანვარს უმასპინძლა, რომელსაც 1800-მდე ბავშვი დაესწრო.

ღონისძიება ადგილობრივი ბიუჯეტიდან დაფინანსდა.