აჭარაში სომეხთა მართლმადიდებელი ეკლესიის წარმომადგენლები იესო ქრისტეს შობასა და ნათლისღებას აღნიშნავენ. ამის შესახებ რელიგიის საკითხთა სახელმწიფო სააგენტო იუწყება.

მათივე ცნობით, დღეს, სურბ ფრკიჩის ბათუმის სომხურ სამოციქულო ეკლესიში, საშობაო წირვა მამა არარატ გუმბარიანმა აღავლინა.

„რელიგიის საკითხთა სახელმწიფო სააგენტოს კოორდინატორი აჭარაში, აბესალომ ასლანიძე საქართველოს მთავრობის სახელით, სომეხთა სამოციქულო მართლმადიდებელი ეკლესიის წარმომადგენლებს მიესალმა და შობა მიულოცა.

საზეიმო წირვა შედგა ახალციხის სურბ გრიგორ ლუსავორიჩ სომხურ მართლმადიდებლურსამოციქულო ეკლესიაშიც. ლიტურგიას ტაძრის მოძღვარი, მღვდელი ჰაირაკოფ სააკიანი და თორგომ ვართანიანი უძღვებოდნენ.

საზეიმო მსახურებას დაესწრო და ტაძარში შეკრებილ მრევლს, საქართველოს მთავრობის სახელით, ქრისტეშობა მიულოცა რელიგიის საკითხთა სახელმწიფო სააგენტოს კოორდინატორმა სამცხე-ჯავახეთში, ელვარდ ზაზაძემ“, - აღნიშნულია ინფორმაციაში.