„ნიუ ჰოსპიტალსის“ მიმართულებით ორმხრივი სატრანსპორტო გადაადგილება აღდგენილია

„ნიუ ჰოსპიტალსი“ გილოცავთ 2023 წელს და გაცნობებთ, რომ კრწანისის ქუჩაზე, გორგასლის ქუჩიდან „ნიუ ჰოსპიტალსის“ შესასვლელამდე მონაკვეთში, მიმდინარე სარეაბილიტაციო სამუშაოებთან დაკავშირებული გადაადგილების შეზღუდვა მოხსნილია და ორმხრივი სატრანსპორტო მოძრაობა აღდგენილია.

მიმდინარე წლის სექტემბრიდან კრწანისის ქუჩაზე მიმდინარეობს სარეაბილიტაციო სამუშაოები, რის გამოც „ნიუ ჰოსპიტალსის“ მიმართულებით სამი თვის მანძილზე შეზღუდული იყო სატრანსპორტო საშუალებების ორმხრივად გადაადგილება. აღნიშნულიდან გამომდინარე, საჭირო გახდა კლინიკის სადგომზე გადაადგილების წესების ცვლილება, რათა საფრთხის წინაშე არ დამდგარიყო გადაუდებელი დახმარების საჭიროების მქონე პაციენტებისა და კლინიკის ფუნქციონირებისათვის საჭირო მომარაგების სატრანსპორტო საშუალებების გადაადგილება და ასევე, გეგმიური და ამბულატორიული პაციენტების მომსახურება.

ამჟამად ყველა შეზღუდვა მოხსნილია და კლინიკა ჩვეულ რეჟიმში აგრძელებს ფუნქციონირებას. პაციენტებს ემსახურება 200 ადგილიანი კეთილმოწყობილი ავტოსადგომი, შესასვლელით კრწანისის ქუჩიდან. თანამშრომლების, მუნიციპალური სამსახურების, გადაუდებელი სამედიცინო დახმარების და კლინიკის მომარაგების ავტომობილების გარდა, სხვა სატრანსპორტო საშუალებებისთვის კლინიკის ტერიტორიაზე შესვლა ან მისი სადგომად გამოყენება ფასიანია.

„ნიუ ჰოსპიტალსი“ მადლობას უხდის თბილისის მერიას და კრწანისის რაიონის გამგეობას კრწანისის ქუჩის რეაბილიტაციისა და სამუშაოების ძირითადი ეტაპის დროულად დასრულებისთვის.

(R)

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024