გორში, შობის დღესასწაულთან დაკავშირებით გამართულ „ალილოს“ მსვლელობას ხელისუფლების წარმომადგენლები შეუერთდნენ და მახარობლებს საშობაო ნობათი გადასცეს. აღნიშნულთან დაკავშირებით ინფორმაციას გორის მერია ავრცელებს.

მერიის ცნობით, სადღესასწაულო მსვლელობა გორის ღვთისმშობლისშობის სახელობის საკათედრო ტაძრიდან გორისა და ატენის მიტროპოლიტის მეუფე ანდრიას ლოცვა - კურთხვევით დაიწყო და ქალაქის ცენტრალურ ქუჩებში გაგრძელდა.საქართველოში„ალილოს“ტრადიცია V-VI საუკუნიდან დამკვიდრდა. მისი აღნიშვნა ილია მეორის ლოცვა-კურთხევით 2000 წლიდან აღდგა.