ფოთში საქართველოს პრემიერ-მინისტრის ინიციატივით და მთავრობის ადმინისტრაციის ორგანიზებით, საახალწლო ზეიმი მიმდინარეობს. ამის შესახებ ინფორმაციას ფოთის მერია ავრცელებს.
მათივე ცნობით, ღონისძიებები ზღაპრის გმირების და ორკესტრის საზეიმო მსვლელობით დაიწყო.
„მოწყობილია საშობაო ბაზრობა, საბავშვო გასართობი სივრცეები, ტერიტორიაზე განთავსებულია ხის საახალწლო სახლები, ფოტოგადასაღები სტენდები და ინსტალაციები,მიმდინარეობს კონცერტი ადგილობრივი შემოქმედებითი ჯგუფების მონაწილეობით. პატარებს კი თოვლის ბაბუა მასპინძლობს.
17:20 საათიდან გალა კონცერტი გაიმართება, სადაც ფოთელებს შობა-ახალ წელს ანსამბლი ,,გორდელა'' და ჯგუფი ,,ბანდეროლი” მიულოცავენ”, - აღნიშნულია ინფორმაციაში.