ქვემო ქართლში სახელმწიფო რწმუნებული გიორგი დოხტურიშვილი, ქალაქ რუსთავში, რეგიონული განვითარების ფონდისა და ადგილობრივი ბიუჯეტის თანადაფინანსებით მიმდინარე პროექტებს გაეცნო.

ქვემო ქართლის სახელმწიფო რწმუნებულის ადმინისტრაციის ინფორმაციით, რეგიონული განვითარების ფონდისა და ადგილობრივი ბიუჯეტის თანადაფინანსებით კლდიაშვილის ქუჩის მიმდებარედ აქტიურად მიმდინარეობს სკვერის რეაბილიტაცია, პროექტის ფარგლებში შენდება არაფორმალური განათლების ცენტრი - მედიათეკა, ეწყობა დენდროლოგიური ზონები, საბავშვო და სპორტული სივრცეები.

„რჩეულიშვილის ქუჩაზე, 14 ათას კვადრატულ მეტრ ფართობამდე ტერიტორიაზე, ახალი რეკრეაციული სივრცე მოეწყობა, რომელიც მწვანე ქალაქის კონცეფციის ფარგლებში ხორციელდება და მულტიფუნქციური დასასვენებელი ზონის შექმნას ითვალისწინებს.

რაც შეეხება საგზაო ინფრასტრუქტურულ პროექტებს, ძველი რუსთავის რეაბილიტაციის ფარგლებში მიმდინარეობს შიდა ქუჩების კეთილმოწყობა.

მიმდინარე სამუშაოებს, ქვემო ქართლში სახელმწიფო რწმუნებული, გიორგი დოხტურიშვილი, რეგიონული განვითარებისა და ინფრასტრუქტურის მინისტრის მოადგილესთან, ილია ბეგიაშვილთან და რუსთავის მერთან ნინო ლაცაბიძესთან ერთად ადგილზე გაეცნო. შეხვედრას ასევე, სახელმწიფო რწმუნებულის მოადგილე, ილია ჯალაღანია და ადგილობრივი ხელისუფლების წარმომადგენლები ესწრებოდნენ“,- ნათქვამია გავრცელებულ ინფორმაციაში.