ქუთაისში ძლიერმა ქარმა პრობლემები შექმნა. ქალაქის ცენტრალურ ნაწილსა და რამდენიმე უბანში ასწლოვანი ხეები წაიქცა.

როგორც ქუთაისის მერიაში აცხადებენ, შესაბამისი სამსახურები მთელი ღამის მანძილზე მუშაობდნენ გაწმენდითი სამუშაოებისთვის, რათა მოძრაობა არ ჩაიკეტოს. მათივე ინფორმაციით, მერიაში არსებულ ცხელ ხაზზე, შეტყობინების შემდეგ, სწრაფი რეაგირება ხდება.

სინოპტიკოსების პროგნოზით, ძლიერი ქარი იმერეთის რეგიონში ხვალამდე გაგრძელდება.