ხობის მერი მუნიციპალიტეტში სტიქიის შედეგებს გაეცნო
ხობის მუნიციპალიტეტის ადმინისტრაციულ ერთეულებში სტიქიის შედეგად არსებულ მდგომარეობას ხობის მუნიციპალიტეტის მერი დავით ბუკია, მერის პირველ მოადგილესთან რევაზ ზაქარაიასთან ერთად გაეცნო. ამის შესახებ ინფორმაციას ხობის მერია ავრცელებს.
„სტიქიის შედეგების სალიკვიდაციო სამუშაოები დილიდან აქტიურად მიმდინარეობს.
სამუშაოებში ჩართულია მერიის შესაბამისი სამსახურების, "ხობი დასუფთავება და განათებას" და საგანგებო სიტუაციების მართვის სამსახურის ჯგუფები.
დღეს, ძლიერი ქარის შედეგად დაზიანდა სახლების სახურავები, ელექტროგადამცემი ხაზები, წაიქცა ბოძები და ხეები. სტიქიის შედეგად მიღებული ზარალის მოცულობას შესაბამისი კომისია დაითვლის”, - აცხადებენ ხობის მერიაში.
