სიღნაღში ავტოსაგზაო შემთხვევას ერთი ადამიანი ემსხვერპლა, ერთი კი მძიმედ დაშავდა.
ადგილობრივების ინფორმაციით, მსუბუქი ავტომობილი მოცურდა და ხევში გადავარდა. ავტომობილში ოთხი მგზავრი იმყოფებოდა, ადგილზე გარდაიცვალა 60 წლამდე ქალი, რომელიც სიღნაღის მუნიციპალიტეტის შესყიდვების სამსახურის უფროსად მუშაობდა, მძიმედ დაშავდა ამავე სამსახურის კიდევ ერთი თანამშრომელი. ის საავადმყოფოშია გადაყვანილი, სადაც შესაბამისი მკურნალობა უტარდება.
ადგილზე პოლიცია იყო მობილიზებული.