გიული ალასანია ფარულ ჩანაწერზე - არანაირად არ ვადასტურებ - არც ყოფილა, არც შეიძლება ყოფილიყო ბუნებაში ასეთი რამე

არც მომისმენია, არც ყოფილა, არც შეიძლება ყოფილიყო ბუნებაში ასეთი რამე, გარდა ამისა, კიდევაც რაღაც რომ ყოფილიყო, რატომ დღეს? - რამდენადაც მითხრეს, 2 წლის წინ მოხდა, ახლა რატომ გაახსენდათ, იმიტომ, რომ ახლა პროცესები მიდის?! ჩემს შვილს რომ ავნონ?! - ამის შესახებ ჟურნალისტებთან საქართველოს მესამე პრეზიდენტის დედამ, გიული ალასანიამ განაცხადა, რითაც გავრცელებულ ჩანაწერს გამოეხმაურა.

გიული ალასანია გავრცელებულ ჩანაწერებს მიხეილ სააკაშვილის მიმდინარე სასამართლო პროცესებს უკავშირებს.

„საერთოდ არ მინდა პასუხი ამაზე, ეს საკითხი არ მაინტერესებს, იმიტომ, რომ გამორიცხულია, მე რაც მოვისმინე ჟურნალისტებისგან, თურმე ნუ იტყვი ლამის აგენტები ვართ მე და ჩემი შვილი?!

მე არ მომისმენია, არც ვაპირებ მოსმენას, მე მაქვს სრულიად სხვა აქტუალური საკითხები. არანაირად არ ვადასტურებ. მე რამდენადაც მითხრეს 2 წლის წინ მოხდა, ახლა რატომ გაახსენდათ, იმიტომ, რომ ახლა პროცესები მიდის?! ჩემს შვილს რომ ავნონ?! მე არ ვიცი ვისი გამოქვეყნებულია, მაგრამ "რუსთავი 2"-ს უჩვენებია. ვის უნდა ვუკავშირებდე? ეს თემა მე ამოვწურე. არც მომისმენია, არც მინდა, არც ყოფილა, არც შეიძლება ყოფილიყო ბუნებაში ასეთი რამე, გარდა ამისა, კიდევაც რაღაც, რომ ყოფილიყო, რატომ დღეს?

ვინ არის გიორგი გახარია? საერთოდ არ მახსოვს. თქვენ რას მეკითხებით, მე არ მომისმენია, არ ვიცი მსგავსი არაფერი არ მახსოვს, რაც მომიყევით. მე იცით ყველაზე მეტად რა მაკვირვებს ამ ისტორიაში? ეს ახალგაზრდები, რომლებიც არ მოსწრებიან იმ საბჭოთა კავშირს, არ მოსწრებიან იმ რუსეთს, უმრავლესობამ რუსულიც არ იცის, უფრო ინგლისურზე გადაერთნენ, რამ შეაძულათ ეს ქვეყანა და რამ შეაყვარათ ეს რუსეთი?“ - განაცხადა ალასანიამ.

რაც შეეხება მიხეილ სააკაშვილის ჯანმრთელობის მდგომარეობას, ალასანიას განმარტებით, ყოფილი პრეზიდენტის ჯანმრთელობის მდგომარეობა კვლავ მძიმეა.

მიხეილ სააკაშვილის ჯანმრთელობის მდგომარეობა არის რთული, ძალიან რთული მდგომარეობაა. მაქსიმალურად უნდათ გაწელონ პროცესი, რომ ამასობაში როგორმე აღარ იყოს ჩემი შვილი. ძალიან დადებითად შევაფასებ ამერიკელი ექსპერტის გუშინ მიცემულ ჩვენებას, არა მარტო გუშინდელი, არამედ ყველა ვინც გამოვიდა ესენი არიან უმაღლესი კლასის პროფესიონალები, ჩემი აზრი ასეთია“,-აღნიშნა ალასანიამ.

ცნობისთვის, ტელეკომპანია “რუსთავი2“-მა აუდიოჩანაწერი გაავრცელა, რომლის ავთენტურობაც დადასტურებული არ არის. ტელეკომპანიის ინფორმაციით, გავრცელებული ჩანაწერში მიხეილ სააკაშვილის დედა გიული ალასანია ფიგურირებს და საუბრობს მიხეილ სააკაშვილის საქართველოში დაბრუნებაზე. ჩანაწერში, სავარაუდოდ, გიული ალასანია სააკაშვილის ჩამოსვლასთან დაკავშირებით ამბობს, რომ "ძალიან ეშინია" და "მთავარი ის არის, რას ფიქრობს რუსეთი ამ მომენტში". ასევე ჩანაწერის თანახმად, გიული ალასანია საუბრობს ოპოზიციაზე და მათ „პარაზიტებს“ უწოდებს. ჩანაწერში საუბარია გიორგი გახარიაზეც, რომელსაც „მომავლისთვის ამზადებენ“. გარდა ამისა, ტელეკომპანიის მიერ გავრცელებულ აუდიოჩანაწერში, ნახსენებია ბიძინა ივანიშვილიც, რომელიც „რუსებს არ უნდათ”. ტელეკომპანიის ინფორმაციით, აუდიოჩანაწერი გაკეთებულია მიხეილ სააკაშვილის საქართველოში ჩამოსვლამდე და უცნობია, ვის ესაუბრება გიული ალასანია.

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა