ფოთის მერია - შექმნილია ზარალის შემსწავლელი ჯგუფი, რომელიც უამინდობისგან მიყენებულ ზარალს აღწერს

ფოთში, მთელი ღამის განმავლობაში, ქალაქის სხვადასხვა უბანში, სტიქიის შედეგად მოგლეჯილი ხეებისგან გზას ათავისუფლებდნენ და უსაფრთხოებისთვის საჭირო ღონისძიებებს ატარებდნენ.

ამის შესახებ ინფორმაციას ფოთის მერია ავრცელებს.

მათივე ცნობით, ყველა შესულ შეტყობინებაზე შესაბამის სამსახურებს მყისიერი რეაგირება ჰქონდათ.

ფოთის მერიის ინფორმაციით, ქალაქის დიდი ნაწილს ელექტროენერგია ამ დრომდე არ მიეწოდება და შექმნილია ზარალის შემსწავლელი ჯგუფი, რომელიც მიყენებულ ზარალს შესაბამისად აღწერს.

„მთელი ღამის განმავლობაში მიმდინარეობდა სტიქიის შედეგად მოგლეჯილი ხეებისგან გზის განთავისუფლება და უსაფრთხოებისთვის საჭირო ღონისძიებების გატარება. შექმნილია სამუშაო ჯგუფები მერიის შესაბამისი სამსახურების მიერ, რომლებიც მუშაობას 24 საათის განმავლობაში აგრძელებენ. მოსახლეობას შეუძლია ცხელ ხაზზე დარეკოს, ან თავიანთ უბანში მერის წარმომადგენელს დაუკავშირდნენ. ელექტროენერგიის აღსადგენად სამუშაოები გაგრძელდება. ხშირია ხეების მოგლეჯის შემთხვევა, ამიტომ ყველას მოვუწოდებ, თუ აუცილებლობას არ წარმოადგენს, გადაადგილებას მოერიდონ. მადლობა ყველა შესაბამისი უწყების თანამშრომელს, ვინც შეუჩერებლად აგრძელებს მუშაობას “,-განაცხადა ფოთის მერმა ბექა ვაჭარაძემ.

„ძლიერი ქარის გამო გამოწვეული სხვადასხვა სახის საფრთხის ან დაზიანების შემთხვევაში დარეკეთ ფოთის მერიის ცხელ ხაზზე: 0(493) 22 12 95 ( სამუშაო საათები: 09:00სთ- 18:00სთ)ან დროის ნებისმიერ მონაკვეთში დაუკავშირდით მერის წარმომადგენლებს: ცენტრის უბანი -579 75 20 17; მალთაყვის უბანი- 555 57 14 38; კუნძულის უბანი - 551 41 11 02; ნაბადის უბანი- 599 25 41 21”, - ნათქვამია გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 20.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე