ლანჩხუთში ძლიერი ქარის გამო ერთი მოქალაქე დაშავდა

ლანჩხუთში ძლიერი ქარის შედეგად ერთი მოქალაქე დაშავდა. როგორც „ინტერპრესნიუსს“ ლანჩხუთის მუნიციპალიტეტის მერმა ალექსანდრე სარიშვილმა განუცხადა, გრიგოლეთი-სამტრედიის გზაზე მოძრავ ავტომანქანას ხე დაეცა, რომელშიც 35 წლამდე მამაკაცი იმყოფებოდა. მისივე თქმით, იგი სხვადასხვა დაზიანებით ქუთაისის კლინიკაშია გადაყვანილი, მის სიცოცხლეს საფრთხე არ ემუქრება. ლანჩხუთის მერის ინფორმაციით, ქარმა მნიშვნელოვნად დააზარალა ლანჩხუთის მუნიციპალიტეტი. მისივე თქმით, შექმნილია ზარალის დამთვლელი კომისია, რომელიც აქტიურად მუშაობს და აღწერს ზარალს.

„ძირითადად საცხოვრებელი სახლების სახურავებია გადახდილი. რამდენიმე სავაჭრო ობიექტს დაეცა ხე. მაქსიმალურად გასულია ყველა შესაბამისი ბრიგადა, სამაშველო სამსახური მაქსიმალურად გვეხმარება. მიმდინარეობს გზის გაწმენდითი სამუშაოები. ზარალის დამთვლელი კომისია შექმნილია, აქტიურად მუშაობს და ჩვენც მაქსიმალური კონტაქტი გვაქვს მოსახლეობასთან, რათა დროულად შევისწავლოთ სტიქიის შედეგად მიყენებული ზარალი“, - აღნიშნა ალექსანდრე სარიშვილმა.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს