სალომე ზურაბიშვილს, მიხეილ სააკაშვილის გათავისუფლების მოთხოვნით, ოკუპირებული აფხაზეთიდან გამოგზავნილი წერილები გადასცეს

თბილისის საკრებულოში „ნაციონალური მოძრაობის“ დეპუტატმა, სოფო ჯაფარიძემ და „ცესკოს“ ყოფილმა პრესსპიკერმა, ანა მიქელაძემ საქართველოს პრეზიდენტ სალომე ზურაბიშვილს ოკუპირებული აფხაზეთიდან გამოგზავნილი წერილები გადასცეს.

წერილების ავტორები აფხაზეთში მცხოვრები ქართველები არიან, რომლებიც სალომე ზურაბიშვილს საქართველოს მესამე პრეზიდენტის, მიხეილ სააკაშვილის სიცოცხლის გადარჩენისაკენ მოუწოდებენ.

როგორც სოფო ჯაფარიძემ აღნიშნა, წერილების ავტორები ქვეყნის ამჟამინდელ პრეზიდენტს სთხოვენ, ქვეყნის ისტორიის დამახინჯება აღარ დაუშვას.

„დღეს მე, ჩემი გუნდის წევრებთან ერთად, საქართველოს პრეზიდენტს, სალომე ზურაბიშვილს ჩვენი მოქალაქეების მიერ აფხაზეთიდან გამოგზავნილი წერილები მოვუტანე. ისინი თავად გადმოვიდნენ და გზავნილები გადმოგვიტანეს. ალბათ იცით, როგორ რთულ გზას გადიან იმისთვის, რომ ე.წ. საზღვარი გადმოლახონ, რამხელა პრობლემა და რამდენად დიდი რისკია, მაგრამ ადამიანის სიცოცხლის გადარჩენისთვის გაერთიანდნენ. ისინი სალომე ზურაბიშვილს სთხოვენ, რომ გადაარჩინოს ქვეყნის მესამე პრეზიდენტის სიცოცხლე, აღარ დაუშვას ქვეყნის ისტორიის დამახინჯება და ევროპული პერსპექტივა სამუდამოდ არ დაგვაკარგვინოს“, - განაცხადა სოფო ჯაფარიძემ.

ანა მიქელაძის თქმით, ის თვლის, რომ სალომე ზურაბიშვილს შეუძლია მიიღოს გადაწყვეტილება, რომლითაც არა მხოლოდ ადამიანის სიცოცხლე გადარჩება, არამედ ევროინტეგრაციის გზაზე ქვეყნის რეპუტაცია შენარჩუნება.

„მე, როგორც საქართველოს რიგით მოქალაქეს, საქართველოში მიმდინარე პროცესებზე, რა თქმა უნდა, გული შემტკივა. ჩვენ საქართველოს მესამე პრეზიდენტის ჯანმრთელობის მდგომარეობის გაუარესებასთან დაკავშირებულ საკითხებს თვეების განმავლობაში ვადევნებთ თვალს. მისი ჯანმრთელობის მდგომარეობის გაუარესება, რასაც შეიძლება ფატალური შედეგი მოჰყვეს, ადამიანის უფლებების უხეშ დარღვევას გამოიწვევს და ამავდროულად ეს ჩვენი ქვეყნის საერთაშორისო იმიჯისა და რეპუტაციისათვის გამოუსწორებელი ზიანი იქნება. აქედან გამომდინარე, გადავწყვიტე, რომ დღეს მეც ამ კამპანიას შევერთებოდი, რომელიც მესამე პრეზიდენტის სიცოცხლის გადარჩენისკენაა მიმართული. მივიჩნევ, რომ სალომე ზურაბიშვილს აქვს უფლებამოსილება, მიიღოს გადაწყვეტილება, რომლის საშუალებითაც გადარჩება არა მხოლოდ ადამიანის სიცოცხლე, არამედ შენარჩუნდება ქვეყნის რეპუტაცია, რაც ესოდენ მნიშვნელოვანია ევროინტეგრაციის გზაზე", - განაცხადა ანა მიქელაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024