სენაკში, მიკროავტობუსზე ქარისგან მოგლეჯილი ხის დაცემის შედეგად დაშავებული 3 პირიდან ორის მდგომარეობა მძიმეა და ისინი მკურნალობისთვის ქუთაისში, შესაბამისი პროფილის კლინიკაში გადაჰყავთ. კლინიკა „არქიმედეს“ სამედიცინო დირექტორის, მარეხ ადანაიას თქმით, პაციენტებს სხვადასხვა სახის დაზიანებები, მათ შორის, სახის და ქვედა კიდურების ძვლების მოტეხილობები აღენიშნებათ.

მისივე თქმით, დაშავებულების სიცოცხლეს საფრთხე არ ემუქრება.

შეგახსენებთ, სენაკში, რუსთაველის ქუჩაზე ქარმა ხე წააქცია და მიკროავტობუსს დაეცა, რის შედეგადაც სამი ადამიანი დაშავდა.