გურიის რეგიონში სტიქიის სალიკვიდაციო სამუშაოები მიმდინარეობს. რეგიონში გაზმომარაგება აღდგენილია, რაც შეეხება ელექტროენერგიის მიწოდებას, ლანჩხუთის მცირე ნაწილს იგი კვლავ არ მიეწოდება.

ადგილობრივი ხელისუფლების ინფორმაციით, „ენერგო-პრო-ჯორჯიას“ ტექნიკური ბრიგადები პრობლემის მოგვარების მიზნით უწყვეტ რეჟიმში აგრძელებენ მუშაობას.

რეგიონში ძლიერი ქარის გამო მოგლეჯილია ხეები, სახურავის გარეშეა დარჩენილი კერძო სახლები, კორპუსები და სხვა შენობები. სამივე მუნიციპალიტეტში ამოქმედებულია ცხელი ხაზი.

„მობილიზებულია ყველა შესაბამისი სამსახური. გრძელდება სტიქიით მიყენებული ზიანის სალიკვიდაციო სამუშაოები. ჯერჯერობით უცნობია თუ რა ზარალი მიადგა გურიის რეგიონს. ამას სპეციალურად შექმნილი კომისია დაადგენს”, - განაცხადა გურიაში სახელმწიფო რწმუნებულმა, გიორგი ურუშაძემ.