“ნაციონალური მოძრაობის” ქუთაისის საკრებულოს წევრებმა და პარტიის ქუთაისის ორგანიზაციის წარმომადგენლებმა შიდაპარტიულ არჩევნებში თავმჯდომარის თანამდებობაზე მხარდაჭერა ნიკა მელიას გამოუცხადეს.

ამის შესახებ „ნაციონალური მოძრაობის” თავმჯდომარემ გიორგი კილაძემ პარტიის ოფისში გამართულ ბრიფინგზე განაცხადა.

"ნაციონალური მოძრაობის” ქუთაისის ორგანიზაციის სახელით, სრულ მხარდაჭერას ვუცხადებთ პარტიის მოქმედ თავმჯდომარეს, ნიკა მელიას და წარმატებებს ვუსურვებთ არჩევნებში. მიგვაჩნია, რომ “ნაციონალური მოძრაობის” თითოეული წევრისთვის დღეს პირველი საზრუნავი მიხეილ სააკაშვილის თავისუფლებაა და 2023 წელს საქართველოში ოლიგარქიული რეჟიმის დასასრული", - განაცხადა გიორგი კილაძემ.