გორის მუნიციპალიტეტის მერი ვლადიმერ ხინჩეგაშვილი სოფლებში მოსახლეობას ხვდება. გორის მუნიციპალიტეტის მერიის ინფორმაციით, შეხვედრები სოფლის მხარდაჭერის პროგრამის ფარგლებში დასაფინანსებელი პროექტების შერჩევის მიზნით დაიწყო.
მათი ცნობით, შეხვედრებზე განსახორციელებელ პროექტებს სოფლის მოსახლეობა ხმათა უმრავლესობით შეარჩევს. „პროექტების შერჩევის მიზნით, შეხვედრები მუნიციპალიტეტის 112 დასახლებულ პუნქტში გაიმართება.
პროგრამის ფარგლებში თითოეულ სოფელში 10 ათასიდან 20 ათას ლარამდე ღირებულების მცირე ინფრასტრუქტურული პროექტები დაფინანსდება. შერჩევის პროცესი გორის მუნიციპალიტეტში თებერვალში დასრულდება“, - ნათქვამია ინფორმაციაში.