პაატა მანჯგალაძე „ხალხის ძალაზე“  - რაც სააკაშვილთან დაკავშირებით განაცხადეს, საგანგაშოა - სავალალო შედეგი რომ დადგეს, რუსეთს უკეთებენ ალიბს: „ჩვენ კი არ გავაკეთეთ, არამედ დასავლეთმა“

ძალიან მჭექარე განცხადებას აკეთებენ. ჩხრიალა გველივით არის, კუდს დაგანახებს, რომ ჩხრიალებს, ამ დროს თავი უნდა გაძვრეს და გადარჩეს, თავი „ქართული ოცნებაა“. ესენი [ხალხის ძალა] კუდები არიან ,- ასე გამოეხმაურა „სტრატეგია აღმაშენებლის“ ერთ-ერთი ლიდერი, პარლამენტის დეპუტატი პაატა მანჯგალაძე „ხალხის ძალის“ დღევანდელ განცხადებას, რომ სააკაშვილის „პატრონები“, რომლებსაც მისი ლიკვიდაციის გეგმა შეიძლება ჰქონდეთ, ევროპარლამენტარები, აშშ-ს ყოფილი თანამდებობის პირები და „გარკვეული ძალები“ არიან.

როგორც მანჯგალაძემ „პალიტრანიუსის“ გადაცემა „რეზიუმეში“ განაცხადა, სავალალო შედეგი, რომ დადგეს, წინასწარ პრევენციას აკეთებენ.

„მარტო ჩხრიალისთვის არ ხდება ეს პროცესი. ამ ჯგუფის შექმნას და მათ განცხადებებს 3 მიზანი აქვს: ერთი, ანტიდასავლური განწყობის გაღვივება და კონსპირაციული თეორიები. მეორე მიზანია, ყურადღების მიქცევა. მჭექარე განცხადებებით ყურადღება გადავიტანოთ მათზე და მათ ვეპასუხოთ. მესამე, ეს ხალხი მართლა რუსული გზავნილებით არის დაკავებული.

სააკაშვილთან დაკავშირებით, რაც განაცხადეს საგანგაშოა. ისინი ხომ წინასწარ ამზადებენ ნიადაგს. დღესაც ვესაუბრე ექიმებს. მიხეილ სააკაშვილის მდგომარეობა ძალიან მძიმეა. ნამდვილად მოწამლულია, როგორც დასტურდება. ამიტომ, სავალალო შედეგი რომ დადგეს, წინასწარ პრევენციას აკეთებენ. რუსეთს უკეთებენ ალიბს - „ჩვენ კი არ გავაკეთეთ, არამედ დასავლეთმა“,- განაცხადა მანჯგალაძემ.

მან ასევე შეაფასა, „ხალხის ძალის“ განცხადება, რომ „სააკაშვილის პატრონებს რჩებათ გეგმა B - მისი, როგორც ოქროს მოწმის მოშორება, სააკაშვილის სიკვდილის ხელისუფლებისთვის დაბრალება, ამ საბაბით კი ქვეყანაში მასობრივი არეულობის მოწყობა“.

მისი შეფასებით, თუ ამხელა შეთქმულების თეორია მზადდება, რომ ვიღაც აპირებს „ქართულ ოცნებას“ მიხეილ სააკაშვილი საპატიმროში მოუკლას, „ამაზე კარგი რა არის?! გაუშვი. რატომ არ უშვებენ?“.

„ყველაზე კარგი იქნება, თუ გურამ მაჭარაშვილმა ეს სქემა გაშიფრა, მივიდეს „ქართულ ოცნებასთან“ და უთხრას: ასეთი რამ მზადდება, ამით ავიცილებთ მეორე ფრონტის გახსნას.

კითხვა უნდა შევუბრუნო: რატომ არ უშვებ, გურამ მიხეილ სააკაშვილს, მეორე ფრონტის გახსნა გინდა? - სულ მაინტერესებდა, საქართველოში მეორე ფრონტის გახსნა ვის უნდოდა, აღმოვაჩინე, რომ, თურმე გურამ მაჭარაშვილს უნდა“, - განაცხადა მანჯგალაძემ.

კითხვაზე, „ხალხის ძალის“ გააქტიურება და დასავლეთის მისამართით მსგავსი „მესიჯებით“ საუბარი, რა თამაშის ნაწილია, მანჯგალაძე პასუხობს, რომ ვერცერთმა პრორუსულმა ძალამ საქართველოში თავის ამოცანა ვერ შეასრულა.

მანჯგალაძის თქმით, მათ „9 კაციანი დაჯგუფება გაუკეთეს, რომ ამ ფონზე „ქართული ოცნება“ პროდასავლურად გამოჩნდეს“.

სოზარ სუბარი და გურამ მაჭარაშვილი კვირაში ერთხელ რომ გამოვლენ, ასე არ ხდება პრორუსული ელექტორატის დაპატრონება. ნახევრად გაშიშვლება არ უშველის ამას, ბოლომდე უნდა გაშიშვლდნენ. ნახევრად გაშიშვლებას რუსები ვერ მიხვდებიან, რადგან ვინც პრორუსები არიან, ისინი ბოლომდე შიშვლები არიან და ნათლად ლაპარაკობენ, რომ რუსულ საქმეს აკეთებენ“,- აღნიშნა მანჯგალაძემ.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
საქართველო და პოსტ-საბჭოთა პერიოდის დასასრული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე