ლევან ხაბეიშვილი - ხალხთან კოალიციის გაკეთებას ვაპირებ - ერთადერთი გამოსავალი რევოლუციური ცვლილებებია და ქვეყნის გადმოტრიალება, რადგან „მოღალატეობრივმა ოცნებამ” და ივანიშვილმა ქვეყანა რუსეთისკენ უკვე გადაატრიალა

ერთადერთი გამოსავალი ქვეყანაში რევოლუციური ცვლილებებია და ჩვენი ქვეყნის გადმოტრიალება იმიტომ, რომ „მოღალატეობრივმა ოცნებამ” და ბიძინა ივანიშვილმა ჩვენი ქვეყანა რუსეთისკენ უკვე გადაატრიალა”,- ამის შესახებ „ნაციონალური მოძრაობის” წევრმა, დეპუტატმა ლევან ხაბეიშვილმა განაცხადა.

როგორც მან თბილისის საქალაქო სასამართლოს ეზოში ჟურნალისტებთან საუბრისას განმარტა, ის „ქართველ ხალხთან და ნამდვილ ოპოზიციონერებთან” ერთად კოალიციის შექმნას გეგმავს.

„ნაცვლად პროცესების დაჩქარებისა, ჩვენ ვხედავთ, რომ მიზანმიმართულად აჭიანურებენ პროცესებს. ბიძინა ივანიშვილს პოლიტიკური გადაწყვეტილება მიღებული აქვს, რომ ბოლომდე მიიყვანოს დაწყებული საქმე. შესაბამისად, მინდა საზოგადოებას ვუთხრა, რომ ერთადერთი გამოსავალი არსებობს ამ ყველაფრიდან ეს არის საქართველოში რევოლუციური ცვლილებები. რევოლუციური ცვლილებების გარეშე და ქვეყნის გადმოტრიალების გარეშე, იმიტომ, რომ „ქართული ოცნებამ“ გადაატრიალა ეს ქვეყანა რუსეთისკენ, არაფერი არ გამოვა, ამიტომ მოვუწოდებ ყველას მოვემზადოთ მოქმედებისთვის და ბრძოლისთვის. ბრძოლის გარეშე ჩვენ ქვეყანას ბიძინა ივანიშვილი და მისი კრიმინალური ოცნება გახდის რუსეთის გუბერნიად. ჩვენ, საქართველოს მოქალაქეებს, ბრძოლის გარდა არაფერი დაგვრჩენია - პრეზიდენტის თავისუფლებისთვის, ჩვენი ქვეყნის თავისუფლებისთვის და ჩვენი შვილების ევროპული მომავლისთვის, სხვა გამოსავალი ბუნებაში არ არსებობს. კიდევ ერთხელ გავიმეორებ, ერთადერთი გამოსავალი ქვეყანაში რევოლუციური ცვლილებებია და ჩვენი ქვეყნის გადმოტრიალება, იმიტომ რომ „მოღალატეობრივმა ოცნებამ” და ბიძინა ივანიშვილმა ჩვენი ქვეყანა რუსეთისკენ უკვე გადაატრიალა. მინდა საზოგადოებას დავპირდე, რომ ქართველ ხალხთან კოალიციის გაკეთებას ვაპირებ. ასევე, ქართველ ხალხთან და ყველა ნამდვილ ოპოზიციონერთან, რომელსაც ამ ქვეყნის გადმოტრიალება და ქვეყანაში სწრაფად უნდა რევოლუციური ცვლილებები. იმიტომ, რომ ჩვენს ქვეყანას რუსეთისკენ მიაქანებენ. ნამდვილი ოპოზიციონერი იძულებული გახდება ჩაერთოს პროცესში, რომელიც იქნება ჩვენი ქვეყნის გათავისუფლებისკენ მიმართული, მე ამაში ვარ დარწმუნებული და ამის პირობას საზოგადოებას ვაძლევ”, - განაცხადა ხაბეიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024