ხათუნა სამნიძე - ძალიან ცუდია, როცა პარტიის შიდა პრობლემური საკითხები ასე საჯაროდ განიხილება - ამით მათ შორის „ქართულ ოცნებას" ვაძლევთ საბაბს, ერთ-ერთ ყველაზე დიდ ოპოზიციურ პარტიაზე ქილიკით ისაუბროს

ძალიან ცუდია, როდესაც პარტიის შიდა პრობლემური საკითხები ასე საჯაროდ განიხილება - ამით მათ შორის "ქართულ ოცნებას" ვაძლევთ საბაბს, ერთ-ერთ ყველაზე დიდ ოპოზიციურ პარტიაზე ქილიკით ისაუბროს, - ამის შესახებ პარლამენტის ოპოზიციონერმა დეპუტატმა ხათუნა სამნიძემ "ნაციონალურ მოძრაობაში" მიმდინარე მოვლენებზე დასმული კითხვის პასუხად განაცხადა.

რაც შეეხება ყოფილი შს მინისტრის ვანო მერაბიშვილის საჯარო პოლიტიკაში შესაძლო დაბრუნებისა და პარტიაში მისი გააქტიურების საკითხს, სამნიძის თქმით, აღნიშნულთან დაკავშირებით შეფასებები "ნაციონალური მოძრაობის" მხარდაჭერებმა უნდა გააკეთონ.

როგორც სამნიძემ აღნიშნა, მერაბიშვილმა სასჯელი მოიხადა, ის ჯერ საჯარო პოლიტიკაში არ ჩანს და საჯარო პოზიცია არ დაუფიქსირებია, პოლიტიკოსებს კი, საკუთარი რეაქცია მას შემდეგ ექნებათ, რაც საჯაროდ აქტიური გახდება.

"მერაბიშვილმა სასჯელი მოიხადა, ის ახლა არის თავისუფალი. რამდენად ჩაერთვება საჯარო პოლიტიკაში, ეს ჩემთვის ცნობილი არ არის. მისი აქტიურობა პოლიტიკური პარტიის წევრებმა და მხარდაჭერებმა უნდა შეაფასონ. საჯარო პოლიტიკაში მისი გამოჩენისა და განცხადებების შემდეგ, პოლიტიკოსებს კონკრეტული რეაქცია და შეფასებები გვექნება", - განაცხადა სამნიძემ.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს