„ქართულმა ოცნებამ” ავარიული სახლების პროგრამა გასამდიდრებელ პროგრამად გადააქცია, - ამის შესახებ ბათუმის საკრებულოში „ერთიანი ნაციონალური მოძრაობის” წევრმა რეზო ხარაზმა ბრიფინგზე განაცხადა. მისი თქმით, 78 - მილიონიან ტენდერში „ქართულ ოცნებასთან” პირდაპირ კავშირში მყოფმა კომპანიამ გაიმარჯვა. რეზო ხარაზის თქმით, ჩატარებული ტენდერის გამოძიებას პროკურატურას სთხოვს.
„ავარიული სახლების პროგრამა და ტენდერი, თავიდანვე ვამბობდით, რომ კორუფციული იყო. ტენდერის უკან „ქართულ ოცნებასთან” დაახლოებული კომპანიაა. ავარიული სახლების 78 - მილიონიანი ტენდერი დასრულდა, რომელშიც ერთადერთი პრეტენდენტი იღებდა მონაწილეობას. ტენდერში გამარჯვებული კომპანია „ანაგია“, რომელიც პირდაპირ კავშირშია ბიძინა ივანიშვილის ოჯახთან, იგი ბიძინას ხეების გადამზიდი კომპანიაა.
მივმართავთ პროკურატურას, დაიწყოს გამოძიება, როგორ მოხდა კომპანიაზე ტენდერის მორგება“, - განაცხადა რეზო ხარაზმა.