ხობის მუნიციპალიტეტში სახლი დაიწვა
ხობის მუნიციპალიტეტის სოფელ საჯიჯაოში საცხოვრებელი სახლი დაიწვა. ადგილობრივების ინფორმაციით, ხანძრის გაჩენის დროს ერთსართულიან ხის სახლში ქალი იმყოფებოდა, თუმცა მან გამოსვლა მოასწრო.
შემთხვევის შედეგად არავინ დაშავებულა. ადგილზე მობილიზებული იყო სახანძრო-სამაშველო ეკიპაჟი და პოლიცია.
ხანძრის გამომწვევი მიზეზი ჯერჯერობით უცნობია.
