საქართველოს პრეზიდენტი სალომე ზურაბიშვილი ბროვარში ვერტმფრენის ჩამოვარდნის შედეგად დაღუპულების ოჯახებს, უკრაინელ ხალხსა და უკრაინის პრეზიდენტს, ვოლოდიმირ ზელენსკის სამძიმარს უცხადებს.

„ღრმა მწუხარებას გამოვთქვამ ბროვარიში მომხდარი ტრაგიკული შემთხვევის გამო. ვუსამძიმრებ დაღუპულთა ოჯახებს, უკრაინელ ხალხსა და პრეზიდენტ ზელენსკის.

საქართველო თქვენთან ერთად გლოვობს“, - წერს სალომე ზურაბიშვილი „ტვიტერზე“.

კიევის ოლქში, ბროვარში, ვერტმფრენის ჩამოვარდნის შედეგად 18 ადამიანი დაიღუპა. დაღუპულია უკრაინის შინაგან საქმეთა მინისტრი დენის მონასტირსკი, მისი პირველი მოადგილე ევგენი ენინი და სახელმწიფო მდივანი იური ლუბკოვიჩი. დაღუპულთა შორის 3 ბავშვია. ამასთან, დაშავებულია 29 ადამიანი, მათ შორის 15 ბავშვი.