„ნაციონალური მოძრაობის“ წევრები ქაშვეთის ტაძარში ბუბა კიკაბიძის სამოქალაქო პანაშვიდზე მივიდნენ

პარტია ,,ერთიანი ნაციონალური მოძრაობის” წევრები ქაშვეთის ტაძარში ვახტანგ კიკაბიძის სამოქალაქო პანაშვიდზე მივიდნენ და სამძიმარი გამოთქვეს.

პარტია ,,ნაციონალური მოძრაობის” წევრის, დეპუტატის რომან გოცირიძის განცხადებით, ვახტანგ (ბუბა) კიკაბიძე პატრიოტიზმითა და მორალური სამოქალაქო პოზიციით გამორჩეული პიროვნება იყო.

„ვახტანგი უნიკალური ადამიანი იყო, მას განუმეორებელი ტალანტი ჰქონდა, როგორც ხელოვანს, მომღერალს, მსახიობს, რეჟისორს. ის პატრიოტიზმითა და მორალური სამოქალაქო პოზიციით გამორჩეული იყო. ჩვენ ერთმანეთი ბოლო პერიოდში გავიცანით, მაშინ როცა ის პოლიტიკაში შემოვიდა. პირველი შთაბეჭდილება, რაც მე დამეუფლა ის იყო, თუ როგორ ჰგავს ის თავის გმირებს. როდესაც მას ელაპარაკები წარმოგიდგება ის ადამიანები, რომლებსაც იგი კინოში თამაშობდა და რომელთა მახასიათებელი სამართლიანობა და ღირსება იყო. ასეთი იყო ბუბა”,-განაცხადა გოცირიძემ.

ცნობისთვის, ქაშვეთის ეკლესიაში ქართველი ხელოვანის, ვახტანგ (ბუბა) კიკაბიძის სამოქალაქო პანაშვიდი მიმდინარეობს. ბუბა კიკაბიძე 84 წლის ასაკში გარდაიცვალა. მას 19 იანვარს, თბილისის დიდი საკონცერტო დარბაზიდან გამოასვენებენ. ოჯახის წევრების ინფორმაციით, ბუბა კიკაბიძეს ვერის სასაფლაოზე დაკრძალავენ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი