რომან გოცირიძე - რა თქმა უნდა, პარტიაში არის დაპირისპირება, პარტია ამ პროცესისგან უნდა გამოვიდეს ნაკლები ზიანით, გამარჯვებული რომ არ გამოვა, ფაქტია

რა თქმა უნდა, პარტიაში არის დაპირისპირება, პარტია ამ პროცესისგან უნდა გამოვიდეს ნაკლები ზიანით. გამარჯვებული რომ არ გამოვა, ფაქტია, - ამის შესახებ ჟურნალისტებს „ნაციონალური მოძრაობის“ წევრმა რომან გოცირიძემ განუცხადა.

მისივე თქმით, ის, რაც „ზოგიერთებმა ერთმანეთს უთხრეს, ესეც ჩამოირეცხება“.

„მგონია, რომ ადამიანებს მოსდით შეცდომები არჩევნების მაღალი ემოციური ფონის გამო. დამთავრდება არჩევნები, ყველაფერი დალაგდება და ყველაფერი იქნება მშვიდად. სამწუხაროდ, ის რაც ითქმის და ზოგიერთები ერთმანეთს ესვრიან, ესეც ჩამოირეცხება, თუმცა სასიამოვნო არაა, ჩამოსარეცხად არავინ უნდა გაიხადოს საქმე. „ნაციონალური მოძრაობა“ 7-ჯერ მაინც დაიშალა და დღეს რაც კი პარტიებია, ვისაც კი 1%-იანი ბარიერის გადალახვის შანსი აქვს, ყველა „ნაციონალური მოძრაობიდან“ წასული პარტიებია და სამწუხაროა, რომ იქმნება პატარ-პატარა პარტიები, „ნაციონალური მოძრაობის“ განაყოფები. არასდროს გამიკეთებია ისეთი განცხადება, რომელიც ავნებდა ზოგადად, ოპოზიციას და შემრცხვენოდა ერთად დადგომის შემთხვევაში, თვალებში ჩახედვის. არ გავაკეთებ არცერთ განცხადებას, რომელიც ამ არჩევნებში ვითარებას დაძაბავს.

რა თქმა უნდა, პარტიაში არის დაპირისპირება, პარტია ამ პროცესისგან უნდა გამოვიდეს ნაკლები ზიანით. გამარჯვებული რომ არ გამოვა, ფაქტია. ამის შემდეგ გამარჯვებულმა უნდა აღიაროს დამარცხებულის წარსული და მომავალი როლი პარტიაში და დამარცხებულმაც უნდა აღიაროს გამარჯვებული. მგონია, რომ არ უნდა მოხდეს ის, რაც ქართულ პოლიტიკაში ხდება - დამარცხებული მიდის ან აგდებენ, არავინ არ უნდა იყოს გაგდებული და თავისი ნებით წასული. არჩევნების შემდეგ არ იქნება ადვილი, მაგრამ ეს ძველი წყენები, ცოდვები, ხშირ შემთხვევაში, უსამართლო კრიტიკა უნდა ჩაბარდეს წარსულს და უნდა ვიფიქროთ მომავალზე“,- განაცხადა გოცირიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024