ვახტანგ გომელაური - ძალიან მძიმე შემთხვევაა, მინდა მივუსამძიმრო ოჯახებს, 5 ადამიანია გარდაცვლილი, გარდაიცვალა ჩვენი ერთი თანამშრომელი
საქართველოს შს მინისტრმა ვახტანგ გომელაურმა საგარეჯოში მომხდარის დროს გარდაცვლილთა ოჯახებს მიუსამძიმრა.
შს მინისტრის თქმით, გარდაცვლილია ხუთი ადამიანი, მათ შორის შსს-ს თანამშრომელი.
„ძალიან მძიმე შემთხვევაა, მინდა მივუსამძიმრო ოჯახებს. გარდაცვლილია 5 ადამიანი, საიდანაც, სამწუხაროდ, 1 არის ჩვენი თანამშრომელი. 5 ადამიანი დაჭრილია, საიდანაც ერთ-ერთის მდგომარეობა მძიმეა. მას ოპერაცია უტარდება და ექიმები ჯერ ვერ გვეუბნებიან, რა დონის სიმძიმეა. არტერია აქვს დაზიანებული და არ ვიცით, გადარჩება თუ ვერა. ღმერთმა ქნას გადარჩეს. ვერ ვხსნით, რა მოხდა", - განაცხადა შს მინისტრმა.
