„ჯორჯიან უოთერ ენდ ფაუერი” სპეციალურ განცხადებას ავრცელებს

20 იანვარს, „ჯორჯიან უოთერ ენდ ფაუერი“ კრწანისის ქუჩაზე წყალმომარაგების სისტემის სრული რეაბილიტაციის ფარგლებში, წყალსადენის ახალ ქსელზე გადაერთებით სამუშაოებს ჩაატარებს. წყალმომარაგების სტაბილურობისთვის ქსელზე ევროსტანდარტის ჩამკეტ-მარეგულირებელი ურდულები დამონტაჟდება. ამის შესახებ ინფორმაციას „ჯორჯიან უოთერ ენდ ფაუერი” ავრცელებს.

მათი ცნობით, აღნიშნულთან დაკავშირებით სამუშაოები 20 იანვარს დღის 12:00 საათზე დაიწყება, მთელი დღის განმავლობაში ინტენსიურ რეჟიმში გაგრძელდება და 21 იანვარს 18:00 საათზე დასრულდება.

„სამუშოების მიმდინარეობისას უცილებელია მაგისტრალური ქსელის წყლისგან დაცლა, რის გამოც 20 იანვრის, დღის 12:00 საათიდან 21 იანვრის 18:00 საათამდე წყალმომარაგება შეეზღუდება:

კრწანისის რაიონში : მეფე სოლომონ II ქუჩას და შესახვევებს, კრწანისის ქუჩას, კრწანისის I, II, III გასასვლელს, კრწანისის 1 ჩიხს, კრწანისის II შესახვევს, კახა კაციტაძის, გრიგოლ ვოლსკის, ალიოშა ჯაფარიძის და წინანაურის ქუჩებს, ორთაჭალის ქუჩა N60-134, N75-131.

„ჯორჯიან უოთერ ენდ ფაუერი“ ბოდიშს უხდის მომხმარებლებს შექმნილი დისკომფორტისთვის. სამუშაოების მიმდინარეობისას, წყალმომარაგების სრულად აღდგენამდე კომპანია მოსახლეობას წყალს ცისტერნებით მიაწვდის.

წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - http://www.gwp.ge“, - ნათქვამია ინფორმაციაში.