თორნიკე რიჟვაძე - ღრმა მწუხარებას გამოვთქვამ საგარეჯოში მომხდარი შემზარავი ტრაგედიის გამო, ვუსამძიმრებ მთელ საქართველოს

აჭარის მთავრობის თავმჯდომარე, თორნიკე რიჟვაძე საგარეჯოში მომხდარი ტრაგედიისას დაღუპულთა ოჯახებს, საზოგადოებას სამძიმარს უცხადებს.

“ღრმა მწუხარებას გამოვთქვამ საგარეჯოში მომხდარი შემზარავი ტრაგედიის გამო, რომელსაც ჩვენი მოქალაქეების სიცოცხლე შეეწირა. ვუსამძიმრებ მთელ საქართველოს, გარდაცვლილთა ოჯახებს. გულწრფელ სამძიმარს ვუცხადებ შინაგან საქმეთა სამინისტროს გმირი პოლიციელის გარდაცვალების გამო. გამოჯანმრთელებას ვუსურვებ დაჭრილებს”, - წერს თორნიკე რიჟვაძე.

შეგახსენებთ, რომ შინაგან საქმეთა სამინისტროს ინფორმაციით, საგარეჯოში მომხდარი შემთხვევის შედეგად გარდაიცვალა 5 და დაიჭრა კორპუსის ეზოში მყოფი 5 ადამიანი. გარდაცვლილთაგან 1 პოლიციელი, 4 კი იმ კორპუსის მცხოვრებია, სადაც ყოფილმა სამხედრომ ცეცხლი გახსნა. ამასთან, გამოძიების ინფორმაციით, საცხოვრებელი კორპუსის ერთ-ერთი ბინის აივნიდან რამდენიმე გასროლა 1974 წელს დაბადებულმა ნ.ა.-მ განახორციელა. მათივე ცნობით, აღნიშნულმა პირმა, მოგვიანებით, სპეცდანიშნულების რაზმის გამოჩენისთანავე, სავარაუდოდ, თვითლიკვიდაცია განახორციელა.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად