ქობულეთში, რუსთაველის ქუჩაზე სროლა იყო. არსებული ინფორმაციით, ცეცხლსასროლი იარაღიდან გასროლას წინ ხმაური და დაპირისპირება უძღოდა.

რა გახდა დაპირისპირების მიზეზი, ჯერჯერობით უცნობია. შემთხვევის ადგილზე სამართალდამცავები იმყოფებიან, მიმდინარეობს საგამოძიებო მოქმედებები. ტერიტორია ყვითელი ლენტითაა შემოსაზღვრული.

შემთხვევის შედეგად არავინ დაშავებულა. ტყვია საზოგადოებრივი ცენტრის შენობას მოხვდა. ამ დროისთვის, საზოგადიებრივ ცენტრში მუშაობა შეჩერებულია.

როგორც საქართველოს შინაგან საქმეთა სამინისტროში “ინტერპრესნიუსს” განუცხადეს, ფაქტზე გამოძიება “სისხლის სამართლის კოდექსის” 236-ე მუხლით დაიწყო, რაც ცეცხლსასროლი იარაღის უკანონო შეძენა-შენახვას გულისხმობს.