ბათუმში, უკრაინის ერთიანობის დღესთან დაკავშირებით ცენტრალურ პარკში მხარდამჭერი აქცია მიმდინარეობს. აქციაზე უკრაინის მოქალაქეები, ადგილობრივები შეიკრიბნენ.

მათ სიმბოლურად, იმ ქვეყნების დროშები გამოფინეს, რომლებიც უკრაინას რუსეთთან ბრძოლაში მხარს უჭერს, ამასთან, აქციის მონაწილეებმა მადლობა გადაუხადეს, ქვეყნებს, რომლებიც უკრაინას იარაღით ეხმარება.

როგორც შეკრებილებმა განაცხადეს, აქციის მთავარი გზავნილი ბახმუტია, სადაც საომარი მოქმედებები ინტენსიურად მიმდინარეობს.

დღესვე, აქციის მონაწილეებმა ვიდეო ჩაწერეს, სადაც სხვადასხვა ქვეყანას დახმარებისთვის მადლობას უხდიან.

აქციის მონაწილეები მეგობარ ქვეყნებს მოუწოდებენ, რომ უკრაინას რუსეთის დასამარცხებლად უფრო მეტი სამხედრო ტექნიკა და იარაღი მოაწოდონ.

“ყოველ დღე ჩვილ ბავშვებს, უდანაშაულო ადამიანებს ხოცავს ტერორისტი პუტინი და მისი ქვეშევრდომები. ამ მონსტრის დასამარცხებლად, საჭიროა მეტი იარაღი. ვთხოვთ, მეგობარ ქვეყნებს, უფრო მეტი იარაღი მიაწოდონ უკრაინას”, - განაცხადეს შეკრებილებმა.