რუსთავის ბიუჯეტი 108 მილიონ ლარამდე გაიზარდა

რუსთავის 2023 წლის ბიუჯეტი, 108 მილიონ ლარამდე გაიზარდა. ამის შესახებ, რუსთავის მერმა ნინო ლაცაბიძემ, დღეს გამართულ ბრიფინგზე განაცხადა.

ქალაქის მერის თქმით, რუსთავის ბიუჯეტის 87 მილიონიდან 108 მილიონ ლარამდე გაზრდა, ჭარბი შემოსავლების, გარდამავალი პროექტების ბიუჯეტში ასახვისა და მთავრობის დახმარების გზით მოხდა.

ნინო ლაცაბიძის განცხადებით, როგორც გასული წლის ბოლოს მის მიერ იქნა დაანონსებული, ახალი წლის პირველივე თვეში, მოსახლეობისთვის ძალიან მნიშვნელოვანი პროექტების დასაფინანსებლად, ქალაქის ბიუჯეტის გაზრდა ცენტრალური მთავრობის თანადგომით გახდა შესაძლებელი.

,,გაზრდილი საბიუჯეტო სახსრებით, ჩვენ ეტაპობრივად დავიწყებთ ყველა იმ პროექტს, რომლის განხორციელებასაც მოსახლეობას დავპირდით. 5 მილიონი ლარი მოხმარდება ძველი ლიფტების ახლით ჩანაცვლების პროექტს. ეს პროცესი შარშან დავიწყეთ და ვთქვით, რომ გრძელვადიანი პროექტი იყო, რომელიც ყველა ლიფტის განახლებამდე გაგრძელდებოდა. მეორე და არანაკლებ მნიშვნელოვანი პროექტი, რომელიც აღნიშნული საბიუჯეტო ზრდის შედეგად დაფინანსდება, არის ავარიული კორპუსების გამაგრება-რეაბილიტაცია. მისამართების შერჩევა მოხდა მოსახლეობასთან კონსულტაციით და სამხარაულის ექსპერტიზის დასკვნების საფუძველზე“, - განაცხადა ნინო ლაცაბიძემ.

ქალაქის მერის თქმით, ავარიული კორპუსების გამაგრება-რეაბილიტაციის მიზნით, ამ ეტაპზე, სამუშაოების დასაწყებად აუცილებელი პროცედურები, ქაშაკაშვილის N10 და N8, ვაჟა ფშაველას მე-2 გასასვლელის N4 , დონეცკელ მეტალურგთა N18ა კორპუსებში, სხვადასხვა სახის გამაგრებითი სამუშაოები ჩატარდება თოდრიას მე-3 ჩიხის N 7, კოსტავას N15 და მე-8 მიკრორაიონის N10 საცხოვრებელ სახლებში დაიწყება.

ნინო ლაცაბიძის განცხადებით, გაზრდილი ბიუჯეტით საგზაო ინფრასტრუქტურის მოწესრიგება და ახალი რეკრეაციული სივრცის მოწყობაც მოხდება.

"კიდევ ერთი ახალი პროექტი, რომელსაც ქალაქის სხვადასხვა უბანში ვგეგმავთ, საგზაო ინფრასტრუქტურის მოწყობაა. განსაკუთრებით ხაზგასასმელია ლებანიძის ქუჩა, სადაც საგზაო ინფრასტრუქტურა, აქამდე ფაქტობრივად არ არსებობდა. მოსახლეობის თხოვნის საფუძველზე დავიწყებთ კიდევ ერთი რეკრეაციული სივრცის მოწყობას 21 -ე მიკრორაიონში. ბუნებრივია ახალი პროექტების პარალელურად, გაგრძელდება ყველა ის გარდამავალი პროექტი, რომელიც გასულ წელს დავიწყეთ“, - განაცხადა რუსთავის მერმა ნინო ლაცაბიძემ.

ქალაქის მერის თქმით, წლის განმავლობაში, იმ ახალი პროექტების შესახებ, რომელიც რუსთაველებთან მჭიდრო კომუნიკაციის გზით დაიგეგმა, კიდევ არა ერთხელ მიაწვდის მოსახლეობას ინფორმაციას. საბიუჯეტო ცვლილების მოთხოვნით, რუსთავის მერიამ საკრებულოს უკვე მიმართა.

ინფორმაციას რუსთავის მერია ავრცელებს.

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა