ოთარ შამუგია, ბერლინში, საერთაშორისო გამოფენის „მწვანე კვირეული” ფარგლებში, უზბეკეთის სოფლის მეურნეობისა და წყლის რესურსების მინისტრ აზიზ ვოიტოვს შეხვდა

საქართველოს გარემოს დაცვისა და სოფლის მეურნეობის მინისტრი, ბერლინში გამართული საერთაშორისო გამოფენის „მწვანე კვირეული” ფარგლებში, უზბეკეთის სოფლის მეურნეობისა და წყლის რესურსების მინისტრ აზიზ ვოიტოვს შეხვდა.

ამის შესახებ ინფორმაციას საქართველოს გარემოს დაცვისა და სოფლის მეურნეობის სამინისტრო ავრცელებს.

მათივე ცნობით, შეხვედრაზე აღინიშნა, რომ საქართველოსა და უზბეკეთს შორის სავაჭრო ურთიერთობების გაღრმავების დიდი პოტენციალი არსებობს.

შეხვედრაზე აზიზ ვოიტოვმა აღნიშნა, რომ უზბეკეთი მზადაა, მევენახეობა-მეღვინეობის მიმართულებით ქართველი სპეციალისტების ცოდნა და გამოცდილება გაიზიაროს. ოთარ შამუგიამ უზბეკ კოლეგასთან შეხვედრაზე საქართველოში ღვინის წარმოების 8 000-წლიანი უწყვეტი ისტორიის მნიშვნელობაზე ისაუბრა.

„ჩვენი სამეცნიერო-კვლევითი ცენტრის ბაზაზე ვაზის 600-ზე მეტი ჯიშია წარმოდგენილი; ღვინის ხარისხის კონტროლის მექანიზმები, სახელმწიფო პროგრამები და მარკეტინგული ღონისძიებები საშუალებას იძლევა, ქართულმა ღვინომ მსოფლიო ბაზარზე ღირსეული ადგილი დაიმკვიდროს. ჩვენ ყოველთვის მზად ვართ, მეგობარ ქვეყნებს ჩვენი გამოცდილება გავუზიაროთ”, - განაცხადა ოთარ შამუგიამ.

სამინისტროს ინფორმაციით, შეხვედრაზე საუბარი შეეხო სასურსათო უსაფრთხოების საკითხსაც. მხარეებმა ქვეყნებს შორის თანამშრომლობის გაღრმავებისთვის მზადყოფნა გამოთქვეს.

ცნობისთვის, 2022 წლის წინასწარი მონაცემებით, საქართველოდან უზბეკეთში 23.6 მლნ აშშ დოლარის ღირებულების აგროსასურსათო პროდუქციის ექსპორტი განხორციელდა. აღნიშნული მაჩვენებელი 119%-ით აღემატება 2021 წლის მაჩვენებელს. გასულ წელს, მთლიან აგროსასურსათო ექსპორტში უზბეკეთის წილმა 1.9% შეადგინა.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი