ანრი ოხანაშვილი - ეროვნულ მუხტს ვერაფრით გააღვივებენ პოლიტიკოსები, რომელთა ქმედებებიც სიყალბით არის გაჯერებული

ეროვნულ მუხტს ვერაფრით გააღვივებენ პოლიტიკოსები, რომელთა ქმედებებიც სიყალბით არის გაჯერებული , - ასე ეხმიანება საპარლამენტო უმრავლესობის დეპუტატი, იურიდიულ საკითხთა კომიტეტის თავმჯდომარე ანრი ოხანაშვილი ჟურნალისტებთან 24 თებერვალს დაგეგმილ აქციას.

„მოვისმინე, რომ ეროვნული მუხტი უნდა გააღვივოს ამ ხალხმა. ეროვნულ მუხტს ქვეყნის ინტერესების დამცველები აღვივებენ და ისინი, ვინც ქვეყნის ინტერესების სადარაჯოზე მდგომნი არიან. ეროვნულ მუხტს ვერაფრით გააღვივებენ პოლიტიკოსები, რომელთა ქმედებებიც სიყალბით არის გაჯერებული", - განაცხადა ოხანაშვილმა.

ის ასევე გამოეხმაურა "ნაციონალური მოძრაობის" შიდაპარტიულ არჩევნებს და აღნიშნა, რომ ისინი გაყალბების ნაცად ხერხებს ახლა შიდა არჩევნებში იყენებენ.

"ეს ადამიანები ნაცად მავნებლურ ხერხებს, რაც 2012 წლამდე ხელისუფლებაში ყოფნის დროს ჰქონდათ, იყენებენ შიდაპარტიული არჩევნებისთვის. ახლა მიმდინარეობს უკვე არჩევნების წინასწარ გაყალბება, ეს მათი ხელწერაა. არ არიან უფლებამოსილნი და კიდევ დიდხანს ვერ იქნებიან, რომ არჩევნები ქვეყანაში ჩაატარონ და იმ ნაცად ხერხებს, რაშიც დახელოვნებულნი არიან, შიდაპოლიტიკური, პარტიული დაპირისპირებისთვის იყენებენ", - განაცხადა ოხანაშვილმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი