სიღნაღის მუნიციპალიტეტის სოფლებში - ნუკრიანი, ზემო მაღარო და ზემო ბოდბე წყალმომარაგების სისტემის რეაბილიტაცია-მშენებლობა მიმდინარეობს

საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია სიღნაღის მუნიციპალიტეტის სოფლებში: ნუკრიანი, ზემო მაღარო და ზემო ბოდბე 7 მილიონ ლარამდე ღირებულების სამუშაოებს აწარმოებს.

გაერთიანებული წყალმომარაგების კომპანიის მიერ გავრცელებული ინფორმაციით, ამ ეტაპზე, ფიზიკური სამუშაოების 30% -ზე მეტი დასრულებულია.

„პროექტის ფარგლებში გათვალისწინებულია: მაგისტრალური მილსადენის, წყალმომარაგების ქსელისა და ჭაბურღილის მოწყობა, ასევე სატუმბო სადგურის და რეზერვუარის რეაბილიტაცია. ადგილზე მოეწყობა უწყვეტი წყალმომარაგებისთვის აუცილებელი ყველა საჭირო ინფრასტრუქტურა.

მიმდინარე პროექტის დასრულება დაგეგმილია 2023 წლის პირველ ნახევარში, რის შედეგადაც, ადგილობრივი მოსახლეობა 24 საათიანი, თანამედროვე სტანდარტების შესაბამისი წყალმომარაგებით იქნება უზრუნველყოფილი.

წყალმომარაგების კომპანიის დაკვეთით სიღნაღის მუნიციპალიტეტში სამშენებლო სამუშაოები სამი პროექტის ფარგლებში მიმდინარეობს და ეტაპობრივად 2023-2024 წლებისათვის დასრულდება. აღნიშნული პროექტების ჯამური ღირებულება 40 მლნ. ლარზე მეტს შეადგენს.

მიმდინარე პროექტები სიღნაღის მუნიციპალიტეტის 16 სოფლის წყალმომარაგების სისტემის რეაბილიტაცია-მშენებლობას ითვალისწინებს, რის შედეგადაც 30 000-მდე ბენეფიციარი გაუმჯობესებული ინფრასტრუქტურითა და 24 საათიანი წყალმომარაგებით ისარგებლებს“, - ნათქვამია გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024