ამბროლაურის მუნიციპალიტეტში სოფლის მხარდაჭერის პროგრამის ფარგლებში მოსახლეობასთან შეხვედრები დაიწყო

„სოფლის მხარდაჭერის პროგრამის ფარგლებში“ პრიორიტეტების გამოსავლენად ამბროლაურის მუნიციპალიტეტის მასშტაბით მოსახლეობასთან შეხვედრები დაიწყო. ამის შესახებ ინფორმაციას ამბროლაურის მუნიციპალიტეტის მერია ავრცელებს.

მათივე ცნობით, ამბროლაურის მუნიციპალიტეტის მერი ზვიად მხეიძე, მერის პირველი მოადგილე, დავით გოგლიძე და საკრებულოს თავმჯდომარე, ასლან საგანელიძე ადგილობრივი ხელისუფლების სხვა წარმომადგენლებთან ერთად ხვანჭკარის, სადმელის, წესის და ნიკორწმინდის თემის მოსახლეობას შეხვდნენ და "სოფლის მხარდაჭერის პროგრამის" შესახებ პირადად მიაწოდეს ინფორმაცია.

„ადგილობრივმა მოსახლეობამ სოფლებისთვის პრიორიტეტული მიმართულებები განიხილეს და ერთობლივი მსჯელობის შედეგად ის პროექტები შეარჩიეს, რომლებიც მოსახლეობის საჭიროებებზე ყველაზე მეტადაა მორგებული.

შეგახსენებთ, რომ პროგრამის ერთ-ერთი მიზანი ადგილობრივი თვითმმართველობის განხორციელებაში მოსახლეობის ჩართულობის გაძლიერებაა.

შემდეგი შეხვედრები 1 თებერვალს ღადიშის, ცახის, ნამანევის, ლიხეთის, ჭრებალოს, სხვავის და ველევის ადმინისტრაციულ ერთეულებში გაიმართება.

„სოფლის მხარდაჭერის პროგრამა 2023“ - ის ფარგლებში, დასაფინანსებელი პროექტების შერჩევის მიზნით, ამბროლაურის მუნიციპალიტეტში ჩასატარებელი საერთო კრებებისა და კონსულტაციების გრაფიკი იხილეთ მუნიციპალიტეტის ოფიციალურ ვებ გვერდზე -https://bit.ly/3gaE06P“,-აღნიშნულია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024