კობა ნაყოფიას განცხადება ისტორიის გადაწერის მცდელობაა. ტერმინი „ფარული ჩანაწერი“ ჩვენს ყოფაში მხოლოდ „ნაციონალური მოძრაობის“ მმართველობისას დამკვიდრდა, - ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

ამით ის გამოეხმაურა „ნაციონალური მოძრაობის“ პოლიტიკური საბჭოს თავმჯდომარის, კობა ნაყოფიას განცხადებას, რომლის მიხედვითაც პარტია „ნაციონალური მოძრაობის“ მმართველობის პერიოდიდან ფარული მიყურადების ფაქტებს ვერ გავიხსენებთ.

„კობა ნაყოფიას განცხადება ისტორიის გადაწერის მცდელობაა. არა მხოლოდ ამ, არამედ სხვა საკითხებზეც „ნაციონალური მოძრაობა“ ცდილობს, რომ ისტორია შეცვალოს. ცდილობს იმის შებრუნებასა და სხვა სახით წარმოჩენას, რისი მომსწრეებიც ჩვენ ვიყავით. ზოგადად, ტერმინი „ფარული ჩანაწერი“ ჩვენს ყოფაში მხოლოდ „ნაციონალური მოძრაობის“ მმართველობისას დამკვიდრდა. სახელმწიფოს მხრიდან ადამიანების კონტროლი, უკანონო ჩაწერა და მოსმენა არის ის, რაც „ნაციონალურ მოძრაობას“ და მის რეჟიმს განსაკუთრებით ახასიათებდა“ , - განაცხადა შალვა პაპუაშვილმა.