გორში, გურამიშვილის ქუჩის მიმდებარედ, მდინარე მტკვრის კალაპოტში, რკინა-ბეტონის საყრდენი კედლის მშენებლობა მიმდინარეობს.

გორის მერიის ინფორმაციით, გამაგრებითი სამუშაოები მდინარის მარცხენა სანაპიროზე, ახალბაღიდან ძველ ხიდამდე ხორციელდება - კედლის სიგრძე 214 მეტრი იქნება.

„პროექტის მიხედვით, ნაპირსამაგრ კედელზე დაგეგმილია მოაჯირების მოწყობაც.

გორის მერიის განმარტებით, სამუშაოები ადგილობრივი ბიუჯეტიდან ფინანსდება და მისი ღირებულება 3 651 650 ლარია.

გორის მუნიციპალიტეტის მერია ნაპირსამაგრი კედლის მშენებლობის დასრულების შემდეგ, გურამიშვილის ქუჩაზე, ძველი ხიდიდან ახალბაღამდე ბულვარის მოწყობას გეგმავს.

საავტომობილო გზის იმ მონაკვეთზე, რომელიც აღნიშნულ სანაპიროს მიუყვება, იგეგმება საგზაო ინფრასტრუქტურის მოწყობაც“, - აღნიშნულია გავრცელებულ ინფორმაციაში.